Goa Sand Mining: बेकायदेशीर वाळू उपसा करणाऱ्यांवर कारवाई करण्यात आली आहे. ही कारवाई जुने गोवे पोलिसांनी चोडण माडेल येथे केली. या कारवाईत 6 जणांना ताब्यात घेतले आहे. तसेच त्यांच्याकडून 3 होड्यांसह सुमारे 45 हजारांची वाळू जप्त करण्यात आली आहे.
मिळालेल्या माहितीनुसार, चोडण माडेल येथे बेकायदेशीर वाळू उपसा होत असल्याची माहिती जुने गोवे पोलिसांना मिळाली होती. त्या माहितीच्या आधारे पोलिसांनी छापा टाकला. या छाप्यात 6 जणांना ताब्यात घेतले आहे.
त्यांना ताब्यात घेऊन पोलिसांनी गुन्हा नोंदवला आहे. तसेच वाळू काढण्यासाठी त्यांनी वापरलेल्या 3 होड्या आणि रेती मिळून 45 हजार रुपयांचा मुद्देमाल पोलिसांनी जप्त केला आहे. अनेक वर्षांपासून मांडवी नदीतून बेकायदेशीररित्या काढण्यात येणाऱ्या रेतीमुळे सरकारला कोणताही महसूल मिळत नव्हता. त्यामुळे ही कारवाई केली असल्याचे पोलिसांनी सांगितले.
राज्य सरकारने वाळू उपसा कायदेशीररित्या सुरू करण्यासाठी नवी अधिसूचना जारी केली होती. प्रशासनाकडून वाळू उत्खननासाठी परवाना दिला जाणार आहे. मात्र सुधारित गौण खनिज अधिसूचनेनुसार वाळू उपसा करताना प्रति परवानाधारक वार्षिक 1000 घनमीटर वाळू उपसा करण्याची मर्यादा असेल.
नव्या नियमानुसार सकाळी 6 ते संध्याकाळी 6 या वेळेतच वाळू उपसा करता येणार आहे. याबरोबर वारे माप उपसा होऊ नये याची काळजी घेत प्रशासनाने यांत्रिक पद्धतीने वाळू उपसा करता निर्बंध घालण्यात आले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.