Divar Island Open Drinking Case : राज्यात घडणाऱ्या गुन्ह्यांवर आळा घालण्यासाठी गोवा पोलीस नेहमीच सतर्क असतात. गोव्यात सार्वजनिक ठिकाणी मद्यप्राशन करण्यास सक्त मनाई असूनही अनेकजण या नियमाचे उल्लंघन करताना दिसतात. काल (शनिवारी) रात्री दीवार बेटावर पोलिसांनी अशा तळीरामांना चांगलीच अद्दल घडवली आहे.
नागरिकांनी केली होती तक्रार...
माहितीनुसार, दीवार बेटावर मागील अनेक दिवसांपासून अशा घटना घडत होत्या. परिसरात अनोळखी व्यक्तींच्या संशयास्पद हालचाली होत असल्याच्या तक्रारी स्थानिक रहिवाशांकडून करण्यात आल्या होत्या.
तसेच नदीपलीकडील लोकही बेटावर उघड्यावर मद्यपान करण्यासाठी येतात असे सांगण्यात येत होते. यामध्ये प्रामुख्याने परप्रांतीयांचा सहभाग असल्याचे बोलले जात आहे. ते बेटावर येऊन कचरा फेकून, दारूच्या बाटल्या इतरत्र फेकून-फोडून टाकतात, ज्यामुळे स्थानिकांची मोठ्या प्रमाणात गैरसोय होत होती. दुसरीकडे दीवारमधील काही स्थानिकांचाही अशा कामांमध्ये सहभाग असल्याची माहिती समोर आली आहे.
स्थानिकांच्या तक्रारीनंतर जुने गोवा पोलिसांनी दिवारमधील स्थानिकांच्या मदतीने 12 हॉट स्पॉट्स शोधण्यात आले आणि 14 जणांना ताब्यात घेतले. तिथे असलेल्या बंद चर्च परिसरात संशयास्पदरित्या इतर राज्यांतून येणारे लोक पकडले गेले आणि सार्वजनिक ठिकाणी मद्यपान करण्यासाठी अशा लोकांना पोलिसांनी ताब्यात घेतले.
दरम्यान, त्यांना 27 जूनला दंडाधिकार्‍यांसमोर हजर करण्यात येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
