जीनोम  सिक्वेन्सिंगचे 2 हजार नमुने प्रलंबित

धक्कादायक बाब म्हणजे गेल्या दोन महिन्यांपासून तिथे पाठवलेले कोरोनाबाधितांचे 2 हजारांपेक्षा जास्त नमुने प्रलंबित आहेत
Omicron Cases in Goa

Omicron Cases in Goa

Dainik Gomantak

पणजी: कोरोना व्हेरियंटचा तपशीलवार तपास व शोध लावणारी जीनोमिक सिक्वेन्सिंग प्रयोगशाळा राज्यात नाही. सध्यातरी या रिपोर्टसाठी आयसीएमआर ठरवून दिलेल्या पुण्याच्या  राष्ट्रीय विषाणू  प्रयोगशाळेवर (एनआयव्ही) अवलंबून राहावे लागत आहे. मात्र, धक्कादायक बाब  म्हणजे गेल्या दोन महिन्यांपासून तिथे पाठवलेले कोरोनाबाधितांचे 2 हजारांपेक्षा जास्त नमुने प्रलंबित आहेत. त्यामुळे स्ट्रेन  समजण्यास वेळ लागत आहे. राज्यात अशा प्रयोगशाळेची नितांत गरज आहे. गेल्या वर्षभरापासून याबाबत केवळ आश्वासनेच ऐकायला मिळत आहेत. 

<div class="paragraphs"><p>Omicron Cases in Goa</p></div>
Goa Corona Wave : गोव्यात कोरोनाची तिसरी लाट

जीनोमिक सिक्व्हेन्सिंग रिपोर्टसाठी राज्यातून दर 15 दिवसांनी पुण्याच्या प्रयोगशाळेकडे बाधितांचे नमुने पाठवले जातात. अलीकडे ओमिक्रॉनचा (Omicron Variant) प्रभाव वाढल्याने जास्त रुग्ण मिळणाऱ्या क्लस्टर आणि प्रदेशातून आलेल्या सर्वांचे नमुने पाठवले जात आहेत. या प्रयोगशाळेत महाराष्ट्र आणि इतर राज्यातून नमुन्यांची तपासणी होत असल्याने व एका नमुन्याच्या तपासासाठी सहा ते सात दिवस लागत असल्याने प्रयोगशाळेवर ताण आहे. त्यामुळे नमुन्यांचा रिपोर्ट येण्यासाठी दोन-दोन महिन्यांच्या अवधी लागत आहे. सध्या राज्यातून गेलेले 2 हजारांपेक्षा जास्त नमुने अहवालाच्या प्रतीक्षेत आहेत अशी माहिती आरोग्य खात्याच्या सूत्रांनी दिली आहे.

लॅबची नितांत गरज

कोरोनाचा (Corona) संसर्ग व सुरू झालेली तिसरी लाट या पार्श्वभूमीवर व्हायरॉलॉजी लॅबची (Virology Lab) नितांत गरज आहे. आरोग्य खात्याने मायक्रोबायोलॉजी (Microbiology) विभागाजवळील जागा प्रयोगशाळेसाठी निश्चित केली असून यासाठी लागणाऱ्या निगेटिव्ह प्रेशर बायोसेफ्टी कॅबिनेट संदर्भातले सिव्हिल काम पूर्ण झाले आहे. यासाठी लागणारी एक मशिन अमेरिका स्थित कंपनी मोफत देणार आहे. प्रत्यक्षात ही प्रयोगशाळा कधी बनणार हा प्रश्न कायम आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com