राज्यातील नेते-अधिकारी विश्‍वजीत यांच्या रडारवर

इशारा: दोषींवर 60 दिवसांत गुन्हे दाखल करणार
राज्यातील नेते-अधिकारी विश्‍वजीत यांच्या रडारवर
Vishwajeet RaneDainik Gomantak

पणजी: पदांचा गैरवापर करून स्वार्थासाठी कायदा धाब्यावर बसवून अनेकांनी नियमांचे उल्लंघन केले आहे. अशा नेत्यांसह सरकारी अधिकाऱ्यांवर येत्या 60 दिवसांत भ्रष्टाचारविरोधी कायद्यांतर्गत गुन्हे दाखल करणार असल्याची माहिती नगरनियोजन मंत्री विश्‍वजीत राणे यांनी दिली.

मंत्री राणे यांची ‘गोमन्तक टीव्ही’साठी संपादक संचालक राजू नायक यांनी विशेष मुलाखत घेतली. यावेळी त्यांनी नगरनियोजन, आरोग्य, वनविभाग, महिला बाल कल्याण आदी विषयांवर सविस्तर चर्चा केली. सुरवातीला राणे यांनी सुरू असलेल्या नगरनियोजन खात्याच्या कारवाईबाबत माहिती दिली. राज्यात कांदोळी, कळंगुट, पर्रा, नागोवा यांसह अनेक ठिकाणी विविध नियमांचे उल्लंघन झाल्याच्या अनेक तक्रारी आल्यात. लोकांनी न्यायालयातही खटले दाखल केले आहेत. बार्देश तालुक्यात अनेक ठिकाणी शेतजमीन, खाजन शेती आणि कांदळवनावर (मँग्रोव्ह) मोठ्या प्रमाणात अतिक्रमण करून अत्यंत कमी एफएसआयमध्ये बहुमजली इमारती उभारल्यात. त्यांना साधे रस्तेही नाहीत. पदावर असलेले नेते आणि अधिकाऱ्यांनी सगळ्या परिसराचा सत्यानाश केला आहे. हे मी खपवून घेणार नाही. याविरोधात कठोर कारवाई केली जाईल असा इशारा त्यांनी दिला.

Vishwajeet Rane
काँग्रेस नेत्‍यांचे गफले बाहेर काढणार : विश्‍‍वजीत राणे

लोकायुक्तांकडे तक्रार करा!

नगरनियोजन खात्यामधील अधिकाऱ्यांना हाताशी धरून कायद्याचे उल्लंघन करत बेकायदा बांधकामे केलीत. अनेक ठिकाणी बेसुमार वृक्षतोड, जमिनीवर भराव टाकणे, 30 अंशांपेक्षा जास्त उतार असलेली जमीन कापणे, डोंगर कापणे असे अनेक प्रकार घडलेत. याविरोधात लोकांनी पुढे येऊन लोकायुक्तांकडे तक्रारी द्याव्यात. टीसीपी त्यांच्या पाठीशी असेल, असे आवाहन राणे यांनी केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.