सुक्या गवताला लागलेल्या आगीमुळे इंडियन ऑइल अदानी गॅस पाईपलाईनने पेट घेतला. अग्निशमन दलाच्या जवानांनी घटनास्थळी येऊन आग आटोक्यात आणल्याने मोठा अनर्थ टळला. ही घटना आज दुपारी 12 च्या दरम्यान घडली. मिळालेल्या माहितीनुसार आज दुपारी वेर्णा येथे राष्ट्रीय महामार्गावर वेर्णा ते दाबोळी मार्गावर एका ठिकाणी सुक्या गवताला आग लागली होती. दुपारची वेळ असल्याने आगीने अधिकच पेट घेतला.
दरम्यान याविषयी वेर्णा अग्निशमन दलाला माहिती मिळताच, अग्निशमन दलाचे जवान बंबसहित घटनास्थळी दाखल झाले व आग आटोक्यात आणण्यास सुरुवात केली.
मात्र एका ठिकाणी त्या आगीच्या लोटात बुडबुडे येत असल्याचे जाणवले. त्यांनी त्या ठिकाणी आगीवर नियंत्रण आणताच त्यांना त्या ठिकाणी एका पाईप मधून गॅसच्या गळतीमुळे आग लागण्याचे जाणवले. त्यांनी तत्काळ सदर कंपनी इंडियन ऑइल अदानी गॅस (gas) प्रायव्हेट लिमिटेड कंपनीला कळवले असता, कंपनी अधिकारी वर्गाने या ठिकाणी येऊन पाहणी केली व आग (fire) आटोक्यात आणण्यात आणल्यानंतर त्या पाइपलाइनच्या दुरुस्तीचे काम हाती घेण्यात आले.
दरम्यान, आज केंद्रीय गृहमंत्री अमित शहा याच मार्गाने आज फोंडा येथे मार्गस्थ होणार असल्याने एकच गोंधळ उडाला होता. संबंधित अधिकाऱ्यांवर पेचप्रसंग निर्माण झाला होता. मात्र वेळीच अग्निशमन दलाने आगीवर नियंत्रण आणून तसेच याठिकाणी परिस्थिती पूर्वपदावर आणल्याने मोठा अनर्थ टळला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
