Goa Crime : बाणसाय खूनप्रकरणी अखेर संशयित ज्योएलला अटक

बाणसाय कुडचडे रेती व्यवसायातून झालेल्या खुनाचा उलगडा झाला आहे.
Curchorem Murder | Goa Crime
Curchorem Murder | Goa CrimeDainik Gomantak

Goa Crime : बाणसाय कुडचडे रेती व्यवसायातून झालेल्या खुनाचा उलगडा झाला आहे. या प्रकरणी कुडचडे पोलिसांनी बेकायदेशीर रेती व्यवसायात असलेल्या ज्योएल जॉर्व्हिस मोराईस (29) या युवकाला अटक केली आहे. यापूर्वी या प्रकरणात आरोपी युवकाला पोलिसांनी संशयित म्हणून ताब्यात घेऊन चौकशी सुरू केली होती.

कुडचडे येथे 1 सप्टेंबर रोजी रेती काढण्यासाठी गेलेल्या मजुरांवर गोळीबार करण्यात आला होता. यात एका मजुराचा जागीच मृत्यू झाला होता, तर एक गंभीर जखमी झाला होता. याप्रकरणी गेल्या बारा दिवसांपासून पोलीस तपास सुरू होता. आज मंगळवारी अखेर याप्रकरणी कुडचडे पोलिसांनी मोराईश याला अटक केली.

कुडचडे पोलिसांनी दिलेल्या माहितीनुसार ज्योएल जॉर्व्हिस मोराईस याला कुडचडे खून प्रकरणी अटक करण्यात आली आहे. त्याच्यावर भा. दं. स 302, 307 खाली कारवाई करण्यात आली असल्याचे पोलिसांनी स्पष्ट केलं आहे.

Curchorem Murder | Goa Crime
Goa Crime : कुडचडेत वाळू माफियाराज; मजुराचा गोळ्या झाडून खून; पाच अटकेत

बाणसाय कुडचडे येथील नदीच्या पात्रात बेकायदेशीर रेती काढण्याचा व्यवसाय सुरू होता. 1 सप्टेंबर रोजी रात्री बोटीने रेती घेऊन येताना अज्ञात व्यक्तीने बंदुकीची गोळी झाडल्याने एका मजुराचा मृत्यू झाला होता. गेल्या बारा दिवसापासून पोलीस संशयितांचा शोध घेत होते. पहिल्या अटकेनंतर आता कुडचडे पोलीस पुढील तपास करीत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com