योगेश मिराशी
म्हापसा : थिवी परिसरातील एका अठरा वर्षीय मुलीला कथित फुस लावून तिचे अपहरण केल्याप्रकरणी कोलवाळ पोलिसांनी 25 वर्षीय, मूळ नेपाळच्या युवकाला अटक केली. सदर मुलगी 11 जूनपासून आपल्या घरातून बेपत्ता होती. कोलवाळ पोलिसांनी दिलेल्या माहितीनुसार, राजू अनिल सुनार (रा. आकय-म्हापसा) असे अटक केलेल्या संशयिताचे नाव आहे.
पिडितेच्या मोठ्या बहिणीने याप्रकरणी पोलिस तक्रार दिली होती. तक्रारीत म्हटले होते की, तिच्या बहिणीचे एका अनोळखी व्यक्तीने अपहरण केले असून तिला अज्ञात जागी ठेवले आहे. त्यानुसार पोलिसांनी तपास चक्रे फिरवली. पोलिसांना तपासावेळी या पिडित बेपत्ता अपहरण मुलीचे मोबाईल लोकेशन हे नाशिक, महाराष्ट्रात दाखवत होते. जे अंबाड पोलिस स्थानकाच्या कार्यक्षेत्रात येते.
त्यानुसार, दि. 18 जून रोजी, विशेष पथकाची स्थापना करण्यात आली, त्याचे नेतृत्व हेड कॉन्स्टेबल अजय गांवकर यांनी केले. यावेळी गोवा पोलिसांनी अंबड पोलिसांच्या सहाय्याने शोध मोहिम सुरु केली. यावेळी चुंचाळे, नाशिक येथे संशयित राजू सुनार यास ताब्यात घेतले. तसेच बेपत्ता अपहरण झालेल्या मुलीची त्याच्या तावडीतून सुटका केली. या दोघांना गोव्यात आणण्यात आले. याप्रकरणी संशयिताला भादंसंच्या कलम 365 अन्वये अटक झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
