सोनसोडो कचरा प्रकल्पाची भिंत पुन्हा कोसळली

यापूर्वी 25 मार्चला या प्रकल्पाची एकाबाजूची भिंत आत साठविलेल्या कचऱ्याच्या वजनाने कोसळली होती. आता दुसऱ्या बाजूची भिंत कोसळली आहे.
Sonsodo Wall Collasped
Sonsodo Wall CollaspedDainik Gomantak

मडगाव : सोनसोडो कचरा यार्डावरील प्रक्रिया प्रकल्पाची भिंत आज दुपारी पुन्हा कोसळण्याची घटना घडली. यापूर्वी 25 मार्चला या प्रकल्पाची एकाबाजूची भिंत आत साठविलेल्या कचऱ्याच्या वजनाने कोसळली होती. आता दुसऱ्या बाजूची भिंत कोसळली आहे. मडगाव पालिकेचे मुख्याधिकारी रोहित कदम यांना याबद्दल विचारले असता त्यांनी वृताला दुजोरा दिला. मागच्या काही दिवसात पडत असलेल्या मुसळधार पावसामुळे ही भिंत खचली असावी असे ते म्हणाले.

दरम्यान यापूर्वी सोनसोडो कचरा यार्डवर कचरा प्रक्रिया करण्यात येत असलेल्या शेडमध्ये कचरा वाढल्याने 25 मार्च रोजी या शेडजवळ असलेली भिंत कोसळली होती. या घटनेने कचरा विल्हेवाटी बद्दलची मडगाव पालिकेची अनास्था पुन्हा चव्हाट्यावर आली होती. एका बाजूचे भिंतीचा कठडा कोसळला असल्याने कचरावाहू ट्रक आणि कोपॅक्टरना नियोजित ठिकाणी कचरा टाकण्यासाठी अडथळा निर्माण झाला आहे. आता दुसऱ्या बाजूचीही भिंत कोसळल्याने मोठा प्रश्न उभा राहणार आहे.

Sonsodo Wall Collasped
सोनसोडो रस्त्याची पावसामुळे दुरवस्था

सोनसोडो कचरा विल्हेवाट केव्हापर्यंत पूर्ण होईल याचे वेळापत्रक त्वरित द्या, असे तोंडी निर्देश मुंबई उच्च न्यायालयाच्या गोवा खंडपीठाने दिले होते. मे. हिंदुस्तान वेस्ट ट्रिटमेंट प्रा. लि., कंपनीने कामासंदर्भात दिलेली माहिती समाधानकारक नाही. हे काम वेळेत न करण्याचे वा ते पूर्ण न करण्याच्या सबब दिल्या जात असल्याची टिप्पणी आदेशात केली होती.

दरम्यान सोनसोडो येथे नवीन कचरा प्रक्रिया प्रकल्प सुरू करण्यासाठी पालिकेच्या मालकीची 15 हजार चौ. मी जागा घन कचरा व्यवस्थापन महामंडळाच्या ताब्यात देण्याचा ठराव मडगाव पालिकेच्या बैठकीत संमत करण्यात आला होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com