प्रवासी बसेस थेट महामार्गाने जात असल्याने सांताक्रुझमध्ये संताप

दुपारच्यावेळी गोमेकॉ इस्पितळातून सांताक्रुझ परिसरात जाणारे लोक व रुग्ण बसची वाट पाहत उभे असतात.
प्रवासी बसेस थेट महामार्गाने जात असल्याने सांताक्रुझमध्ये संताप
Bus Dainik Gomantak

पणजी : बांबोळी ते पणजी व्हाया सांताक्रुझ या भागातून वाहतूक करणाऱ्या प्रवासी मिनीबसेस दुपारच्यावेळी मार्ग बदलून बेकायदेशीरपणे राष्ट्रीय महामार्गावरून जात असल्याने सांताक्रुझ परिसरात जाणाऱ्या प्रवाशांचे तसेच विद्यार्थ्यांचे हाल होऊ लागले आहेत. यासंदर्भातची माहिती वाहतूक खात्याला देऊनही त्याकडे दुर्लक्ष केले जात असल्याने प्रवाशांकडून संताप व्यक्त होत आहे.

Bus
विरोधकांच्या मतदारसंघातही विकासकामे करा : लोबो

सांताक्रुझ परिसरातून मोठ्या प्रमाणात लोक नोकरीच्या निमित्ताने तसेच विद्यार्थी शाळेत जात असतात. काहीजण बांबोळी येथील गोमेकॉ उपचारासाठी जातात. राज्यात कोविडची साथ येण्यापूर्वी दर पंधरा मिनिटांनी मिनी बसेस धावत होत्या मात्र कोविडच्या साथी आल्यावर या बसेस काही काळ बंद झाल्या व त्यानंतर त्यांची संख्याही घटली. आता त्यातील अर्ध्याअधिक बसेस सुरू आहेत. या सर्वांना सांताक्रुझ भागातून वाहतूक करण्याचा मार्ग वाहतूक खात्याने दिला आहे. त्यामुळे त्यांनी या मार्गावरूनच जाणे सक्तीचे असताना अनेकदा मनमानी करत बांबोळी येथून त्या सरळ राष्ट्रीय महामार्गावरून पणजीला जातात. सांताक्रुझ परिसरात राहणाऱ्या प्रवाशांना बसमध्ये घेतले जात नाही. गोमेकॉ इस्पितळातून दुपारच्यावेळी मोठ्या प्रमाणात थेट पणजीला जाणारे प्रवासी या मिनिबसेस चालकांना मिळत असल्याने नियमांचे उल्लंघन केले जात आहे.

दुपारच्यावेळी गोमेकॉ इस्पितळातून सांताक्रुझ परिसरात जाणारे लोक व रुग्ण बसची वाट पाहत उभे असतात. कुजिरा येथील विद्यार्थीही बांबोळी गोमेकॉ इस्पितळपर्यंत चालत येतात व त्यानंतर या बसने सांताक्रुझ येथील घरी जाण्यासाठी बससाठी उभे असतात. परंतु मिनीबस उपलब्ध होत नसल्याने त्यांचेही हाल होत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com