Free Cylinder in Goa : मोफत गॅस सिलिंडर योजनेला मुहूर्त कधी?

विधानसभा निवडणुकीत भाजपने आपल्या 22 कलमी जाहीरनाम्‍यात वर्षाला मोफत तीन गॅस सिलिंडर देण्याची योजना जाहीर केली होती.
Free Gas Cylinders in Goa
Free Gas Cylinders in GoaDainik Gomantak

Free Cylinder in Goa : विधानसभा निवडणुकीत भाजपने आपल्या 22 कलमी जाहीरनाम्‍यात वर्षाला मोफत तीन गॅस सिलिंडर देण्याची योजना जाहीर केली होती. सुरूवातीला सर्वांसाठी ही योजना असावी असे वाटत होते. परंतु नंतर पहिल्या टप्प्यात ती आर्थिक दुर्बल गटाला आणि त्यानंतर पाच लाखांपर्यंत वार्षिक उत्पन्न असलेल्‍यांना देण्याचे ठरले. गणेश चतुर्थीच्या अगोदर ही योजना मार्गी लागेल असे वाटत होते, पण तसे काही झाले नाही. आता दिवाळीपूर्वी तरी सदर योजना मार्गी लागून सामान्‍यांना दिलासा द्यावा, अशी मागणी होत आहे.

आर्थिक दुर्बल घटकांना पहिल्या टप्प्यात मोफत सिलिंडर देण्यात येतील, असे ग्रामीण विकासमंत्री गोविंद गावडे यांनी जाहीर केले होते. याविषयी विचारणा केली असता मंत्रिमंडळाच्या बैठकीत या योजनेला मंजुरी मिळणे बाकी असल्याने ती येत्या काही दिवसांत मिळेल, अशी माहिती त्‍यांनी ‘गोमन्तक’ला दिली.

भाजप सरकार सत्तेवर येताच एप्रिलमध्ये झालेल्या पहिल्या मंत्रिमंडळाच्या बैठकीत ही योजना मार्गी लावण्‍याचा प्रयत्‍न झाला, परंतु आर्थिक मंजुरीसाठीची फाईल अद्याप मंजूर झालेली नाही. त्यामुळे या योजनेला मुहूर्त गणेशोत्सवात मिळेल, असे वाटत होते, पण ही अपेक्षा फोल ठरली.

Free Gas Cylinders in Goa
Goa Garbage Collection : ‘कचरा द्या, पैसे घ्या’ योजना ठरतेय लोकप्रिय

मध्यंतरी सिलिंडर 1 हजार रुपयांवर पोचल्यानंतर मोफत सिलिंडर सरकार कधी मिळणार, असा सवाल विरोधी पक्षांनी उपस्थित केला होता. त्यावेळी राज्य सरकारवर चौफेर टीका झाली होती. सरकार आता कोणता मुहूर्त साधणार हे बघावे लागेल.

132 कोटींचा बोजा

या योजनेचा फायदा 37 हजार शिधापत्रिकाधारकांना होणार आहे. शिवाय ५ लाख रुपयांखालील वार्षिक उत्पन्नाचा मामलेदारांकडून आणलेला दाखला आवश्‍यक असेल. या योजनेपोटी राज्य सरकारच्या तिजोरीवर वार्षिक 132 कोटी रुपयांचा बोजा पडणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com