फोंडा पालिकेचा सोपो कराचा लिलाव करण्याचा निर्णय

फोंडा पालिका बैठक ; क्रांती मैदानाचे होणार नूतनीकरण
फोंडा पालिकेचा सोपो कराचा लिलाव करण्याचा निर्णय
Phonda Municipality Dainik Gomantak

फोंडा : फोंडा पालिकेच्या शुक्रवारी झालेल्या बैठकीत पालिकेचा सोपोकर, क्रांती मैदान, शास्त्री मॉल तसेच व्यापाऱ्यांसाठीच्या व्यावसायिक कराबरोबरच इतर अन्य विविध विषयांवर चर्चा करून निर्णय घेण्यात आले.

Phonda Municipality
आजच्याच दिवशी सुरू झाले होते पोर्तुगीजांविरुद्ध गोवा छोडो आंदोलन

फोंडा पालिकेचा सोपो कर गोळा करण्यासाठी लीलाव करण्यात येणार असून येत्या जुलै महिन्यात संबंधित कंत्राटदाराकडून सोपो कर गोळा करण्यात येणार आहे. सध्या पालिकेच्या कामगारांकडून सोपो कर गोळा केला जात असला तरी पालिकेला अपेक्षित महसूल मिळत नसल्याने शेवटी सोपो कराचा लीलाव करण्याचा निर्णय घेण्यात आला.

फोंडा पालिकेचे नगराध्यक्ष रितेश नाईक यांच्या अध्यक्षतेखाली झालेल्या या बैठकीला फोंड्याचे आमदार तथा कृषीमंत्री रवी नाईक उपस्थित होते. या बैठकीला उपनगराध्यक्ष तसेच इतर नगरसेवक व पालिका मुख्याधिकारी योगिराज गोसावी व इतर अधिकारी उपस्थित होते.

फोंडा पालिकेचा सोपो कराचे कंत्राट येत्या जुलै महिन्याच्या सुरवातीला किंवा मध्यावधीला देण्यात येणार आहे. सोपा कराचा लीलाव करण्याची प्रक्रिया सुरू करण्यात आली असून लीलाव स्विकारणाऱ्या कंत्राटदारामार्फतच हा सोपो कर गोळा केला जाईल. फोंडा पालिका क्षेत्रातील दुकानदार व आस्थापनांचा वाढीव व्यावसायिक कर कमी करून तो पाच हजार रुपयांवरून आता दोन हजार रुपये करण्यात येईल. वैद्यकीयसंबंधी आस्थापनांना त्यापेक्षाही कमी व्यावसायिक कर आकारण्यात येणार आहे. शास्त्री मॉल प्रकल्पासंबंधीही यावेळी चर्चा झाली.

फोंडा शहर परिसरात सीसीटीव्ही कॅमेरे बसवण्याचा निर्णय झाला. पालिका क्षेत्रातील गैरव्यवहार व गुन्हे कमी करण्यासाठी या सीसीटीव्हीचा वापर केला जाणार आहे.

Phonda Municipality
येत्या तीन वर्षांत तीन मोठ्या स्पर्धा!

फोंड्यातील क्रांती मैदानाच्या काही भागाचा ताबा लष्कराकडे असून पालिकेकडे त्यांनी करार केला आहे, मात्र हा करार संपुष्टात आला असून पालिकेला देय असलेले मागचे सहा लाख अजून लष्कराकडून मिळाले नसल्याने या कराराचे नूतनीकरण न करण्यासंबंधीचा निर्णय झाला. याशिवाय मैदानावर असलेला पाण्याचा कारंजा हटवून मध्यभागी असलेले खांब बाजूला उभे करून त्या ठिकाणी स्वातंत्र्यसैनिकांची नावे अधिक चांगल्या व आकर्षकरीत्या करण्यासंबंधीचाही निर्णय झाला.

बांधकामांचीही होणार चौकशी

फोंडा पालिकेच्या आफ्रामेंत जमिनीत बेकायदा बांधकामे करण्यात आली आहेत, त्यासंबंधीचा विषय बैठकीत चर्चेला आला. या बांधकामासंबंधीची चौकशी करून त्यावर कारवाई करण्याचा निर्णयही यावेळी झाला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com