Pilerne Fire: पिळर्ण येथे डेब्रिस हटविताना आग धुमसली

पिळर्ण औद्योगिक वसाहतीमधील ‘बर्जर बेकर कोटिंग’ या पेंट कंपनीमधील डेब्रिस काढताना किंचित आग धुमसण्याचा प्रकार घडला.
Pilerne Fire
Pilerne FireDainik Gomantak

Pilerne Fire: पिळर्ण औद्योगिक वसाहतीमधील ‘बर्जर बेकर कोटिंग’ या पेंट कंपनीमधील डेब्रिस काढताना किंचित आग धुमसण्याचा प्रकार घडला. यावेळी पिळर्ण अग्निशामक दलाने घटनास्थळी धाव घेत यावर नियंत्रण मिळविले. मंगळवार, 17 रोजी सकाळी हा प्रकार घडला.

या पेंट कंपनीला मंगळवार, 10 रोजी भीषण आग लागून कंपनीचा संपूर्ण गोदाम जळून खाक झाला होता. त्यानंतर मोठ्या प्रमाणात इथे जळालेल्या साहित्याचा ढिगारा निर्माण झाला असून सध्या तो हटविण्याचे काम केले जात आहे.

यावेळी डेब्रिस काढण्याचे काम सुरू असताना तिथे ढिगाऱ्याखाली अचानक आग धुमसण्याचा प्रकार घडला.

Pilerne Fire
Goa News: दोन वर्षांत दक्षता खात्याकडे 695 तक्रारी दाखल

या आगीचा धूर आकाशात गेल्याचे निदर्शनास येताच भीती व्यक्त करत पंचसदस्य दिनेश मोरजकर यांच्यासमवेत साळपे, कांदोळीतील लोकांनी घटनास्थळी धाव घेतली.

मात्र, या प्रकारानंतर पिळर्ण अग्निशामक दलाने तत्काळ घटनास्थळी धाव घेत आगीवर नियंत्रण मिळविले. आगीमुळे निर्माण झालेला प्रदूषणकारी धूर कंपनीच्या आवारात पसरला होता.

Pilerne Fire
Goa Government: ‘अटल आसरा’चा निधी वाढविण्‍याचा सरकारचा विचार

अग्निशमन’ची एक गाडी घटनास्थळी

या डेब्रिजखाली अजूनही आग धुमसत आहे. डेब्रिज हटविण्याचे काम करताना त्याखालील रसायनद्रव्य पदार्थास ऑक्सिजनचा संपर्क झाल्यामुळे ही आग धुमसली. मात्र, ती दलाने वेळीच विझविली. हा डेब्रिज पूर्णतः काढेपर्यंत असे धुमसणारे प्रकार घडतच राहतील.

त्यामुळे लोकांनी घाबरण्याची काही गरज नाही, असे अग्निशमन दलाच्या एका अधिकाऱ्यांनी सांगितले. खबरदारी म्हणून अग्निशमन दलाची एक गाडी घटनास्थळी ठेवण्यात आली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com