Pilerne Fire: ‘बर्जर बेकर’ कंपनीवर गुन्हा नोंदवून 100 कोटी वसूल करा'

सरकारने या कंपनीवर गुन्हा नोंद करून त्यांच्याकडून 100 कोटी रुपये वसूल करावेत, अशी मागणी रिव्होल्‍युशनरी गोवन्सचे प्रमुख मनोज परब यांनी केली.
Pilerne Fire | Fire in Goa Paint Factory
Pilerne Fire | Fire in Goa Paint FactoryDainik Gomantak

Fire in Goa Paint Factory: पिळर्ण औद्यागिक वसाहतीतील ‘बर्जर बेकर’ पेंट कंपनीला लागलेल्या आगीमुळे पर्यायवरणाला हानी पोहोचली आहे. संपूर्ण बार्देश तालुक्यावर याचा परिणाम झाला असून सुमारे दोन लाख नागरिकांचा जीव धोक्यात घालण्याचा हा प्रकार आहे.

सरकारने या कंपनीवर गुन्हा नोंद करून त्यांच्याकडून 100 कोटी रुपये वसूल करावेत, अशी मागणी रिव्होल्‍युशनरी गोवन्सचे प्रमुख मनोज परब यांनी केली.

पणजी येथे घेतलेल्या पत्रकार परिषदेत परब बोलत होते. यावेळी सांत-आंद्रेचे आमदार वीरेश बोरकर व इतर मान्यवर उपस्थित होते.

या आग दुर्घटनेप्रकरणी ‘आरजी’ने काही खबरदारीच्या मागण्या करणारे निवेदन उत्तर गोवा जिल्हाधिकाऱ्यांना सादर केले. परब म्‍हणाले की, बर्जर बेकर कंपनीला भीषण आग लागण्याचे प्रकरण गंभीर असून त्‍याची न्यायालयीन चौकशी निवृत्त न्यायमूर्तीच्या अध्यक्षतेखाली झाली पाहिजे. वायू गुणवत्ता तपासण्यासाठी समिती गठित करावी.

Pilerne Fire | Fire in Goa Paint Factory
Pilerne Fire: आगीवर नियंत्रण; मात्र, जनजीवन विस्कळीतच

कंपनीकडून नुकसान भरपाई घेऊन प्रभावित नागरिकांच्या हितासाठी ती खर्च केली पाहिजे. पेंटची कंपनी धोकादायक असल्याने तेथे अग्निशमन यंत्रणा होती की नाही याची चौकशी होणे आवश्‍यक आहे. या सर्व प्रकारासाठी सरकार जबाबदार आहे, असा आरोपही त्‍यांनी केला.

Pilerne Fire | Fire in Goa Paint Factory
Manohar International Airport: टॅक्‍सीचालकांकडून अर्जांची होळी

आगामी विधानसभा अधिवेश्‍नात पिळर्ण औद्योगिक वसाहतीत लागलेल्या भीषण आगीबाबत लक्षवेधी सूचना मांडून शून्य तासात हा मुद्दा उपस्‍थित करणार आहे. दोषींवर कारवाई होणार की नाही हे बघावे लागेल. आज राज्यात हफ्ते देऊन बेकायदेशीर व्यवहार सुरू आहेत. हे असेच सुरूच राहिल्यास भविष्यात आणखी मोठी दुर्घटना घडण्‍याची शक्‍यता नाकारता येत नाही.

- वीरेश बोरकर, ‘आरजी’चे आमदार

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com