राजधानी पणजीतही लवकरच पिंक रिक्षा

रोटरी क्लबच्या पुढाकाराने पणजी, मडगाव, म्हापसा आणि फोंडा या शहरांमध्ये ही सेवा सुरू केली जाईल
Pink Rickshaws in Panaji
Pink Rickshaws in PanajiDainik Gomantak

पणजी : काही दिवसापूर्वी म्हापसा येथे सुरू करण्यात आलेली पिंक ई-रिक्षा सेवा लवकरच राजधानी पणजीत सुरू होणार आहे. लवकरच पणजीकरांच्या सेवेत पिंक रिक्षा येणार अशी माहिती पणजी रोटरी क्लबचे अध्यक्ष गौरीश धोंड यांनी दिली आहे. (Pink Rickshaws in Panaji)

राज्‍यात महिलांसाठी पिंक ई-रिक्षा सेवा रोटरी क्लबच्या पुढाकाराने पणजी, मडगाव, म्हापसा आणि फोंडा या शहरांमध्ये सुरू केली जाईल. परंतु, काही कारणांमुळे या रिक्षा अजून आमच्यापर्यंत पोहोचलेल्या नाही. येत्‍या आठवड्यात काही पोहोचतील आणि त्‍यानंतर पणजीत सेवा सुरू केली जाईल, असे धोंड यांनी सांगितले.

Pink Rickshaws in Panaji
वेर्णा येथील टायटन जंक्शनवर तीन वाहनांचा विचित्र अपघात

पिंक ई-रिक्षा सेवेसाठी महिला रिक्षाचालकांचे प्रशिक्षण पूर्ण झाले आहे. एकूण 20 ई-रिक्षा येणार आहेत. प्रत्येक शहरांमध्ये त्यांचे समान वाटप केले जाईल. एका वेळी ट्रकमध्ये आठ रिक्षा आणल्या जातात. परंतु, काही तांत्रिक कारणामुळे विलंब झाला आहे, असे धोंड यांनी सांगितले.

महिला, मुलांसाठी फायदेशीर
पिंक ई-रिक्षा सेवा ही महिला आणि लहान मुलांसाठी असेल. कुटुंब सोबत असल्यास पुरुषांना देखील त्यात बसता येईल. एका ई-रिक्षाची किंमत 3.20 लाख रुपये आहे. पणजीतील विविध ठिकाणी असलेल्या रिक्षा स्टँडवर एक पिंक ई-रिक्षा उभी असेल, असे धोंड यांनी स्पष्ट केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com