Plaster Collapsed in Margao : मडगावात जुन्या इमारतीचं प्लास्टर कोसळलं; रस्त्यावरील कारचं मोठं नुकसान

या दुर्घटनेत एका मुलीलाही किरकोळ मार लागल्याची माहिती प्राथमिक माहिती आहे.
Plaster Collapsed in Margao
Plaster Collapsed in MargaoDainik Gomantak

Plaster Collapsed in Margao : मडगाव शहरातील अत्यंत गजबजलेला भाग असलेल्या पिंपळ कट्ट्याजवळ असलेल्या एका जुन्या इमारतीच्या गॅलरीचे सिमेंट प्लास्टर तुटून खाली कोसळलं. या घटनेत खाली पार्क करून ठेवलेल्या एका गाडीचं मोठ्या प्रमाणात नुकसान झालं आहे. या दुर्घटनेत एका मुलीलाही किरकोळ मार लागल्याची माहिती प्राथमिक माहिती आहे.

मडगाव शहरातील पिंपळ कट्ट्याजवळ बँक ऑफ बडोडाची शाखा आहे. याच इमारतीच्या गॅलरीचा काही भाग तुटून खाली रस्त्यावर पडला. ही घटना शुक्रवारी दुपारी एक वाजण्याच्या आसपास घडल्याची माहिती आहे. दुपारच्या वेळेला या भागात वर्दळ कमी प्रमाणात असते. त्यावेळीच हा भाग कोसळल्याने सुदैवाने फारशी हानी झाली नाही. या प्रकरणी मडगाव नगरपालिकेने त्वरित लक्ष घालावे अशी मागणी सध्या स्थानिकांमधून केली जात आहे.

Plaster Collapsed in Margao
मडगावात मालवाहू ट्रक कारवर कोसळला

दरम्यान जीर्ण इमारतींचा प्रश्न गोव्यात सध्या चांगलाच तापण्याची शक्यता आहे. कारण काही महिन्यांपूर्वीच वास्कोतही अशाच प्रकारची घटना घडली होती. वास्को मार्केटजवळील जीर्ण इमारतीच्या स्लॅबचा काही भाग कोसळला होता. मात्र यात सुदैवाने कोणतीही जीवितहानी झाली नव्हती. या घटनेनंतर अनेकांनी कमकुवत आणि मोडकळीस आलेल्या इमारतींच्या सुरक्षेबाबत प्रश्न उपस्थित केले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com