Police Cup Football Tournament: शापोरा युवक संघाची आगेकूच

धेंपो ज्युनियर्सवर 2-1 फरकाने विजय नोंदवून मारलीअंतिम फेरीत धडक
Police Cup Football Tournament
Police Cup Football Tournament Dainik Gomantak

पणजी: शापोरा युवक संघाची 18 व्या पोलिस कप फुटबॉल स्पर्धेतील स्वप्नवत आगेकूच मंगळवारीही कायम राहिली. धेंपो ज्युनियर्सवर 2-1 फरकाने विजय नोंदवून त्यांनी अंतिम फेरीत धडक मारली.

(Police Cup Football Tournament Shapora Youth Team reached the final round)

Police Cup Football Tournament
Asia Cup 2022 मधील खराब फॉर्मवर बाबर आझमने सोडले मौन, 'रिझवान खरा योद्धा'

म्हापसा येथील धुळेर स्टेडियमवर झालेल्या उपांत्य लढतीत शापोरा युवक संघासाठी पहिल्याच मिनिटास रोहित तोताड याने गोल केला. नंतर 83 व्या मिनिटास राहुल रॉड्रिग्ज याच्या गोलमुळे धेंपो ज्युनियर्सने बरोबरी साधली. 87 व्या मिनिटास मारुती हरिजन याचा गोल शापोरा युवक संघासाठी निर्णायक ठरला. अंतिम फेरीत आता त्यांच्यासमोर सेझा फुटबॉल अकादमीचे आव्हान असेल.

Police Cup Football Tournament
IND vs SA: भारत दौऱ्यासाठी दक्षिण आफ्रिकेचा संघ जाहीर, संपूर्ण वेळापत्रक पाहा

विश्रांतीला शापोरा संघ आघाडीवर

सामना सुरू झाल्यानंतर काही सेकंदातच शापोरा युवक संघाच्या खाती गोलची नोंद झाली. अमर किनळेकरच्या पासवर रोहित तोताडने प्रतिस्पर्धी गोलरक्षकाला चकविले. पिछाडीनंतर धेंपो ज्युनियर्सने आक्रमक खेळाचे धोरण अवलंबविले, पण त्यांना यश लाभले नाही. विश्रांतीला शापोरा संघ 1-0 फरकाने आघाडीवर राहिला.

शेवटच्या टप्प्यात दोन गोल

सामन्याच्या साठाव्या मिनिटास शापोराच्या प्रतीक धारगळकरची, तर 77 व्या मिनिटास धेंपो ज्युनियर्सच्या अनीश गदार याची संधी हुकल्यानंतर अखेरच्या सात मिनिटांचा खेळ बाकी असताना दोन गोल झाले. राहुल रॉड्रिग्जने गोलक्षेत्रात एकाग्रता राखल्यामुळे धेंपो ज्युनियर्सने बरोबरी साधली. मात्र चार मिनिटानंतर प्रतीक धारगळकरच्या शानदार कॉर्नर फटक्यावर मारुतीने शापोराचा विजय निश्चित करणारा गोल केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com