सासष्टी - सासष्टी (Salcete) तालुक्यातील वार्का येथील सी ब्रिज हॉटेलमध्ये विनापरवाना सुरु असलेल्या कॅसिनोवर (Casino) मध्यरात्री 3 वाजता (18 सप्टेंबर) मडगाव व कोलवा पोलिसांनी छापा टाकून 15 जणांना अटक केली. पण, नंतर सर्व संशयितांची जामिनावर सुटका करण्यात आली. या कारवाईत पोलिसांनी 6 लाख 9 हजार रुपयांचा मुद्देमाल जप्त केला.
दक्षिण गोव्याचे पोलिस अधीक्षक पंकज कुमार सिंग यांच्या मार्गदर्शनाखाली मडगाव व कोलवा पोलिसांनी ही कारवाई केली. वार्का येथील सी ब्रिज या हॉटेलमध्ये कॅसिनो जुगार सुरु असल्याची माहिती पोलिसांना मिळाली होती.
मिळालेल्या माहितीच्या आधारे पोलिसांनी छापा टाकला असता, अटक करण्यात आलेले संशयित जुगार खेळताना दिसले. पोलिसांनी त्यांना अटक करुन कॅसिनो खेळण्यासाठी वापरण्यात येणारे चिप्स, पत्ते व 6 लाख 9 हजारांचा मुद्देमाल जप्त केला. याप्रकरणी पोलिस पुढील तपास करीत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
