मुख्यमंत्र्यांच्या इशाऱ्यानंतर पोलिस ‘ॲक्शन मोड’मध्ये

हणजूण येथे बेकायदा मसाज पार्लरवर धडक कारवाई
CM Pramod Sawant
CM Pramod SawantDainik Gomantak

शिवोली : मुख्यमंत्री डॉ. प्रमोद सावंत यांनी रविवारी किनारी भागातील बेकायदा मसाज पार्लरवर सक्त कारवाईचे पोलिसांना निर्देश देत सोमवारपासून कारवाई सुरू होईल असे सांगितले. त्यानूसार सोमवारी सकाळी म्हापसा उपअधीक्षक जिवबा दळवी यांनी डिमेलोवाडा-हणजूण येथे गेली चार वर्षे कार्यरत असलेल्या होली-बासील या बेकायदा मसाज पार्लरवर कारवाई केली.

पोलिसांनी छापा टाकून अवैध पार्लरमधून अवैध तेलाच्या बाटल्या, रजिस्टर तसेच विविध प्रकारच्या मसाजसाठी वापरात येत असलेले अन्य साहित्य जप्त केले. पार्लरवाल्यांकडे आरोग्य खाते, पंचायत तसेच अन्य कुठल्याच प्रकारचा वैध दाखला नसल्याचे आढळून आले. या प्रकरणी पार्लरचा व्यवस्थापक आरोक्यियाराज कुलियान थायसू (रा.थिरुवन्नामल्लाय, तामिळनाडू) याला ताब्यात घेत विविध कलमाखाली गुन्हा दाखल केला.

CM Pramod Sawant
ब्रिटीश नागरिकावर बलात्कार केल्याच्या आरोपावरुन जोएल डिसोझा गजाआड

डिमेलोवाडा-हणजूण येथे स्थानिक पंचायत आणि पोलिसांच्या नाकावर टिच्चून गेली चार वर्षे होली-बासील हे अवैध मसाज पार्लर सुरू होते. म्हापसाचे उपअधिक्षक जीवबा दळवी यांनी हणजुण पोलिस स्थांनकाचा हंगामी ताबा घेतलेले विक्रम नाईक व पोलिस पथकाच्या सहकार्याने मुख्यमंत्र्यांच्या निर्देशानंतर कारवाई केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com