PFI Raid in Fatorda Madgaon : सध्या तपास यंत्रणांच्या रडारवर असलेल्या पीएफआय संघटनेच्या चंद्रवाडा फातोर्डा येथील कार्यालयावर आज बुधवारी क्राईम ब्रांच विभागाने छापा टाकून तपास सुरू केला आहे. क्राईम ब्रांचचे उपअधीक्षक शिवराम वायंगणकर यांच्या नेतृत्वाखाली ही कारवाई सध्या सुरु आहे. सर्व दारे बंद करून ही झाडाझडती घेणे सुरु आहे.
प्रसार माध्यमांनी या संदर्भात विचारले असता हा आमच्या नियमित कामाचा एक भाग आहे, अशी जुजबी माहिती देण्यात आली. यापूर्वी देशात पीएफआयवर बंदी घालण्यात आली होती त्यावेळी या संघटनेच्या मडगाव आणि फातोर्डा भागातील मोठ्या प्रमाणात कार्यकर्त्यांना ताब्यात घेण्यात आले होते. यातील काही कार्यकर्त्यांना तडीपार का केले जाऊ नये या आशयाच्या नोटिसाही दक्षिण गोवा जिल्हाधिकारी कार्यालयाने जारी केल्या होत्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.