गोव्यात रविवारी 5 वर्षांखालील मुलांसाठी पोलिओ लसीकरण मोहीम

देशात पोलिओचा शेवटचा रुग्ण 2011 मध्ये हावडा, कलकत्ता येथे आढळून आला होता.
Polio vaccination
Polio vaccination Dainik Gomantak

पणजी: राष्ट्रीय लसीकरण कार्यक्रम अंतर्गत गोव्यात 27 फेब्रुवारी रोजी पाच वर्षांखालील मुलांना पोलिओ लसीचे डोस दिले जाणार आहेत. राज्य लसीकरण अधिकारी डॉ राजेंद्र बोरकर यांनी दिलेल्या माहितीनुसार, हा कार्यक्रम गोव्यातील 667 केंद्रांवर होणार असून राज्य सरकारने (State Government) जवळपास 1,05,083 मुलांचे लसीकरण करण्याचे उद्दिष्ट ठेवले आहे. पाच वर्षांखालील सर्व मुलांना पोलिओ लसीचे दोन थेंब दिले जातील. (Polio vaccination drive in goa)

Polio vaccination
कार्निव्हलनिमित्त व्यंगचित्रकार मारिओ मिरांडा यांच्या पोस्ट कार्डचं अनावरण

बोरकर पुढे म्हणाले की, देशात पोलिओचा शेवटचा रुग्ण 2011 मध्ये हावडा, कलकत्ता (Kolkata) येथे आढळून आला होता आणि 2014 मध्ये भारताला पोलिओमुक्त घोषित करण्यात आले होते.

काणकोणात काणकोण सामाजिक आरोग्य केंद्रातर्फे रविवारी पंचवीस केंद्रावर मुलांचे पल्स पोलिओ लसीकरण (Vaccination) करण्यात येणार आहे. शुन्य ते पाच वर्ष वयोगटातील मुलांना हा डोस देण्यात येणार आहे. या मोहिम शंभर टक्के यशस्वी करण्यासाठी सामाजिक आरोग्य केंद्रच्या आरोग्याधिकारी डॉ.स्नेहा आमोणकर यांनी पुढाकार घेतला आहे. यासाठी तालुक्यातील आरोग्य कर्मचारी, अंगणवाडी सेविका, काणकोण लायन्स क्लबचे पदाधिकारी व समाज कार्यकर्ते कार्यरत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com