Ponda News: फोंडा तालुक्यात डेंग्यूचे रुग्ण वाढले असल्याने पालिका तसेच पंचायत पातळीवर सतर्कता बाळगण्यासाठी खबरदारी घेण्यात येत आहे. तालुक्यात विविध आरोग्य केंद्रातील आकडेवारीनुसार गेल्या ऑगस्ट महिन्यात एकूण ४४ रुग्णांची नोंद झाली आहे. डेंग्यू रुग्णांत सर्वाधिक रुग्ण हे परप्रांतीय आहेत.
फोंडा उपजिल्हाधिकाऱ्यांनी यासंबधीची सूचना पालिका, पंचायत तसेच औद्योगिक आस्थापनांना दिली आहे. फोंडा तालुक्यात सध्या सर्वाधिक रुग्ण हे मडकई आरोग्य केंद्रात नोंद झाले आहेत, तर सर्वात कमी रुग्ण शिरोडा केंद्रात सापडले आहेत.
आरोग्य खात्याने डेंग्यू रुग्ण वाढीला आळा घालण्यासाठी आवश्यक खबरदारी घेण्यास प्रारंभ केला आहे. मात्र, पावसाचे पाणी, विहिरींची अस्वच्छता व पाण्याच्या टाक्यांमुळे डास पैदास वाढल्याचे समोर आले आहे.
फोंडा उपजिल्हाधिकारी सुयश खांडेपारकर यांनी घेतलेल्या बैठकीत आवश्यक सूचना केल्या असून या बैठकीला गोवा कॅनचे रोलंड मार्टिन्स, आरोग्याधिकारी डॉ. स्मिता पार्सेकर तसेच स्वच्छता विभागाचे मनोज नाईक उपस्थित होते.
यावेळी फोंडा तालुक्यातील विहिरी तसेच पाण्याच्या टाक्यांची पाहणी करण्याबरोबरच पालिका व पंचायत पातळीवर जागृती व इतर उपक्रम हाती घेण्यासंबंधी चर्चा झाली.
डेंग्यूचे रुग्ण
मडकई - १९
बेतकी खांडोळा - १५
फोंडा - ७
शिरोडा - ३
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
