भारतातल्या प्रत्येक व्यक्तीला आयपीएल सुरू होण्याची प्रतीक्षा असते. आयपीएलचे देशभरात अनेक चाहते आहेत. 2022 च्या IPL हंगामाला आता सुरुवात झाली असून सामने चांगलेच रंगात येत आहेत. या सामन्यांदरम्यान अनेकदा अवैध बेटिंग केल्याच्या घटनाही समोर येत असतात. (Porvorim Police have busted an online betting gang in the IPL cricket series)
आयपीएल (IPL) क्रिकेट मालिकेत ऑनलाईन बेटिंग करणाऱ्या टोळीचा पर्वरी पोलिसांनी पर्दाफाश केला आहे. सूत्रांनी दिलेल्या माहितीनुसार, पिळर्ण येथे एका फ्लॅटमध्ये शनिवारी रात्री आरसीबी (Royal Challengers Bangalore) व डीसी (Delhi Capitals) यांच्यात चाललेल्या सामन्यावेळी पर्वरी पोलिसांनी तिथे धाड टाकली. यावेळी राजस्थानचा रहिवासी रोनक माळी, मोहित व्यास व पवन शर्मा या तिघांना अटक अटक करण्यात आली असून त्यांच्याकडून बेटिंगसाठी लावण्यात आलेला 1.20 लाखांचा माल जप्त करण्यात आला आहे.
दरम्यान, पणजी येथील एका तारांकीत हॉटेलातील कसिनोमध्ये सुरू असलेल्या बेकायदेशीर 'लाईव्ह गेमिंग'वर पणजी पोलिसांचा (Panaji Police) छापा टाकला. पोलिसांनी सुमारे 27 लाख़ रुपये जप्त केल्याची माहिती समोर येत आहे. याचबरोबर 'लाईव्ह गेमिंग'मध्ये सहभागी असलेल्या 11 जणांना अटक करण्यात आली आहे. पोलिस पुढील तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
