'मंत्री निलेश काब्रालांचा दावा खोटा, प्रत्यक्षात स्थिती वेगळीच'

युवकांना नोकऱ्या नाहीत, महिलांना रोजगार नाही, मतदारसंघात काही ठिकाणी तर वीज पाणी अशा प्राथमिक सुविधाही नाहीत
'मंत्री निलेश काब्रालांचा दावा खोटा, प्रत्यक्षात स्थिती वेगळीच'
Curchorem amit patkarDainik gomantak

कुडचडे : कुडचडे हा विकास झालेला मतदारसंघ असा दावा विजमंत्री निलेश काब्राल (Nilesh Cabral) करत असले तरी प्रत्यक्षातील स्थिती वेगळीच आहे. रोजगाराच्या पुरेशा संधी नसल्याने युवकांमध्ये आलेले नैराश ही कुडचडेतील मुख्य समस्या असून या परिस्थितीत त्यांना बदल हवा आहे.

व्हायब्रन्ट कुडचडे या बॅनरखाली निवडणूकीत (election) उतरलेले कुडचडे येथील युवा उद्योजक आणि काँग्रेसचे संभाव्य उमेदवार यांच्या प्रचाराच्यावेळी लोकांकडून या समस्या पुढे येत आहेत. या तरुण उमेदवाराने केलेला वेगळ्या प्रकारचा प्रचार यामुळेही त्यांनी लोकांचे लक्ष वेधले आहे.

Curchorem amit patkar
..म्हणून भाजप पदाधिकारी मुख्य कार्यकर्त्यांचा सामूहीक राजीनामा

कोविडच्या पार्श्वभूमीवर निवडणूक आयोगाकडून (Election Commission) प्रचारावर निर्बंध आणण्यापूर्वी त्यांनी कुडचडेच्या मतदारांकडे 'चाय पे चर्चा' हा कार्यक्रम हाती घेतला होता. या कार्यक्रमाला संपूर्ण कोकणी वळण देताना त्यांनी 'एक च्या अमित पाटकरा सांगतान' असे त्याचे नामकरण केले होते.

या कार्यक्रमा अंतर्गत त्यांनी होडार, शेळवण, शेल्डे, असोल्डे तसेच अन्य भागात त्यांनी लोकांशी संपर्क साधून त्यांच्या समस्या ऐकून घेतल्या.

मागच्या 10 वर्षात कुडचडेत काहीच विकास झालेला नाही. युवकांना नोकऱ्या नाहीत, महिलांना रोजगार नाही, मतदारसंघात काही ठिकाणी तर वीज पाणी अशा प्राथमिक सुविधाही नाहीत. अशा परिस्थितीमूळे तरुणांमध्ये आलेले नैराश्य आणि त्यात्यून वाढलेली व्यसनाधीनता याने संपूर्ण मतदारसंघ पोखरून गेल्याचे आपल्या नजरेस आले. ही परिस्थिती कुठल्याही संवेदनशील व्यक्तीला व्याकुळ करणारी होती असे पाटकर यांनी सांगितले.

Curchorem amit patkar
मयेममधून भाजपने तिकीट नाकारले, प्रवीण झांट्येंचा मगोत प्रवेश

पाटकर हे एक यशस्वी युवा उद्योजक असून या पूर्वी ते समाजकार्यात सक्रिय होते. पण मतदारसंघात पूर्ण बदल घडवून आणायचा असेल तर सत्तेत आल्याशिवाय पर्याय नाही हे कळून चुकल्यानेच आपण निवडणुकीच्या रिंगणात उतरलो असून काँग्रेस (Congress) पक्षाच्या मदतीने माझे कुडचडे व्हायब्रन्ट करण्याचे स्वप्न पूर्ण करू असा विश्वास त्यांनी व्यक्त केला. महिलांना आणि युवकांना रोजगाराच्या संधी यावर आपला भर असल्याचे त्यांनी सांगितले. हे काम मी माझ्या स्वतःच्या पैशातून करण्याची माझी तयारी आहे असे त्यांनी 'गोमंतक'ला दिलेल्या मुलाखतीत सांगितले.

यापूर्वी पाटकर यांनी मंत्र्यांनी यापूर्वी दिलेली आश्वासने आणि नंतर त्या आश्वासनांचा उडालेला फज्जा हे जुन्या व्हिडिओ क्लिप्सच्या माध्यमातून लोकांसमोर आणून सत्ताधाऱ्यांची झोप उडवून दिली होती. आता कोविड निर्बंध सुरू झाल्यावर आपला प्रचार व्हर्च्युअल पद्धतीने सुरू करण्याचे त्यांनी ठरविले आहे एक दोन दिवसातच आपला हा व्हर्चुअल प्रचार सुरू होणार असल्याचे त्यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com