गोव्यात डॉ. प्रमोद सावंतांनी दुसऱ्यांदा घेतली मुख्यमंत्रिपदाची शपथ

प्रमोद सावंतांसह 8 मंत्र्यांचाही शपथविधी, ढवळीकरांसह अपक्षांचं नाव नाहीच
Pramod Sawant Takes Oath as CM of Goa
Pramod Sawant Takes Oath as CM of GoaDainik Gomantak

पणजी : गोव्यात डॉ. प्रमोद सावंत यांनी मुख्यमंत्रिपदाची शपथ घेतली आहे. राज्यपाल पी एस श्रीधरन पिल्लई यांनी प्रमोद सावंत यांना पद आणि गोपनीयतेची शपथ दिली आहे. प्रमोद सावंतांसह 8 मंत्र्यांनीही पद आणि गोपनीयतेची शपथ घेतली आहे. वाळपईचे आमदार विश्वजीत राणेंचं नाव या मंत्र्यांच्या यादीत सर्वात आघाडीवर आहे. या शपथविधी सोहळ्याला पंतप्रधान नरेंद्र मोदी यांच्यासह 7 राज्यांचे मुख्यमंत्री उपस्थित राहिले. पंतप्रधान मुख्यमंत्र्याच्या शपथविधीला उपस्थित राहण्याची ही गोव्याच्या इतिसाहातील पहिलीच वेळ मानली जात आहे.

Pramod Sawant Takes Oath as CM of Goa
Goa Politics: सभापती पदासाठी विरोधी पक्षाची जोरदार मोर्चेबांधणी

मुख्यमंत्री डॉ. प्रमोद सावंत (Pramod Sawant) यांनी राज्यपाल पी एस श्रीधरन पिल्लई यांच्याकडे सोहळ्याआधी शपथ घेणाऱ्या आमदारांची यादी सादर केली होती. या यादीत वाळपईचे आमदार विश्वजीत राणे, मॉविन गुदिन्हो, फोंड्याचे आमदार रवी नाईक, नीलेश काब्राल, सुभाष शिरोडकर, रोहन खंवटे, गोविंद गावडे आणि अतानासिओ उर्फ बाबूश मोन्सेरात यांच्या नावाचा समावेश आहे. विश्वजीत राणेंना (Vishwajit Rane) दुसऱ्या क्रमांकाचं महत्त्वाचं पद मिळण्याची शक्यता आहे.

Pramod Sawant Takes Oath as CM of Goa
नवं सरकार नवा कार्यकाळ! गोवा सरकारचा नोकऱ्यांवरती भर

महत्त्वाची बाब म्हणजे मगोपच्या (MGP) सुदिन ढवळीकर यांचं आणि अपक्ष आमदार आलेक्स रेजिनाल्ड लॉरेन्स तसंच डॉ. चंद्रकांत शेट्ये यांचं नाव शपथविधी घेणाऱ्या आमदारांच्या यादीतून गायब झालं आहे. या तिघांनाही कॅबिनेट मंत्रिपद मिळणार अशी चर्चा सुरु होती. सुदिन ढवळीकरांच्या नावाला अजूनही भाजपच्या नेत्यांचा आणि कार्यकर्त्यांचा विरोध कायम आहे. त्यामुळे कॅबिनेटच्या उरलेल्या जागांमध्ये या नावांना संधी मिळणार की भाजप (BJP) आणखी वेगळी खेळी खेळणार याकडे सर्वांचंच लक्ष लागलं आहे. दुसरीकडे गोव्याच्या मंत्रिमंडळात एकाही महिलेला स्थान देण्यात आलेलं नाही.

गोवा विधानसभा निवडणुकीत 40 पैकी 20 जागा जिंकत भाजपने सत्ता स्थापन केली आहे. भाजपला 3 अपक्ष आमदारांसह मगोपनेही पाठिंबा दिल्याने भाजपचं संख्याबळ 25 वर पोहोचलं आहे. काँग्रेसचा गोव्यात विधानसभा निवडणुकीत सुपडासाफ झाल्याचं चित्र आहे. गोव्यात विधानसभेचा निकाल जाहीर झाल्यानंतर तब्बल 18 दिवसांनी मुख्यमंत्र्यांचा शपथविधी पार पडला आहे. विधानसभा निवडणुकीत जिंकलेल्या सर्वच राज्यात एकाच वेळी शपथविधीचं भाजपचं नियोजन होतं. त्यामुळेच हा शपथविधी लांबला होता. गोव्यात शिगमोत्सव आणि पंतप्रधान नरेंद्र मोदींच्या व्यस्त वेळापत्रकामुळे शपथविधीला विलंब लागल्याचं चित्र आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com