प्रसाद गावकर यांचा काँग्रेसमध्ये प्रवेश, सांगेम मतदारसंघातून लढवणार निवडणूक

गोवा विधानसभेच्या निवडणुकीच्या एक महिना अगोदर अपक्ष आमदार प्रसाद गावकर (Prasad Gaonkar) यांनी रविवारी आपल्या सदस्यत्वाचा राजीनामा दिला. ते काँग्रेसमध्ये प्रवेश करणार आहेत. संगेम आमदाराने गोवा विधानसभा (Goa Assembly) अध्यक्षांकडे राजीनामा सुपूर्द केला. त्यांच्या राजीनाम्यामुळे 40 सदस्यीय सभागृहाचे संख्याबळ 33 झाले आहे.

“मी आमदारकीचा राजीनामा दिला आहे. मी लवकरच काँग्रेस (Congress) पक्षात प्रवेश करून सांगेम मतदारसंघातून निवडणूक (Election) लढवणार आहे, असे गावकर म्हणाले.

राज्यात 14 फेब्रुवारीला विधानसभेच्या निवडणुका होणार आहेत. विशेष म्हणजे, काँग्रेसने गेल्या पाच वर्षात बरेचसे आमदार गमावले आहेत, याआधी काँग्रेसचे आमदार लुइझिन्हो फालेरो आणि रवी नाईक, अपक्ष आमदार रोहन खौंटे, भाजपच्या अलिना साल्दान्हा, गोवा फॉरवर्ड पक्षाचे जयेश साळगावकर आणि राष्ट्रवादीचे आमदार (MLA) चर्चिल आलेमाओ यांनी विधानसभेचे राजीनामे दिले आहेत.