पणजीतील पावसाळापूर्व कामांना मुहूर्त मिळेना...

पणजीतील नागरिकांत नाराजी: गटारे न उपसल्याने पावसाळ्यात धोका
पणजीतील पावसाळापूर्व कामांना मुहूर्त मिळेना...
Panaji Municipal CorporationDainik Gomantak

पणजी: पणजी महानगरपालिकेने अद्यापही पावसाळापूर्व कामांना सुरवात केलेली नाही. पाऊस अवघ्या सव्वा महिन्‍यांवर येऊन ठेपला आहे. तरीही पावसाळापूर्व कामे सुरू केली नसल्‍याने नागरिकांतून रोष व्‍यक्‍त केला जात आहे.

यासंबंधी माजी महापौर तथा विद्यमान नगरसेवक उदय मडकईकर यांना विचारले असता ते म्‍हणाले, सर्वसाधरणपणे 5 जून रोजी पावसाला सुरवात होईल असे गृहीत धरून शहरातील पावसाळापूर्व कामांना सुरवात केली जाते. माझ्या महापौरपदाच्‍या कारकिर्दीत एप्रिल अखेर 40 टक्‍के कामांची पूर्तता झालेली असायची. शहरातील नाले, गटारे, झाडांच्‍या फांद्यांची छाटणी, रस्‍त्‍यावरील खड्डे बुजवणे आदी कामे केली जायची. पावसाळा अवघ्या महिन्‍यावर येऊन ठेपला आहे. त्‍यातच गेल्‍या पंधरा दिवसांत अवकाळी पाऊस धुमाकूळ घालत आहे. अशावेळी शहरातील कामे सुरू करणे आवश्‍यक होते.

Panaji Municipal Corporation
मये परिसरात जलवाहिनी फुटण्याचे प्रकार चालूच

पणजी पालिका क्षेत्रातील एकाही प्रभागातील पावसाळापूर्व कामे झाल्‍याचे दिसून येत नाही. अधूनमधून कोसळणाऱ्या अवकाळी पावसामुळे शहरातील अनेक गटारे आणि नाले तुंबल्‍याचे दिसून आले. तसेच रस्‍त्‍यांवरील खड्ड्यांत पाणी साचल्‍याने किरकोळ अपघातही झाले. अनेक ठिकाणी झाडांच्‍या फांद्या रस्‍त्‍यावर पडल्‍या. काही ठिकाणी वीज वाहिन्‍यांवर पडल्‍या. यामुळे पणजीवासीयांना खंडित वीजपुरवठ्याचा सामना करावा लागला. पणजी महानगरपालिका प्रशासनाने यात तातडीने लक्ष घालून पावसाळापूर्व कामे ताबडतोब सुरू करावीत, अशी मागणी नागरिकांतून होत आहे.दरम्‍यान, याबाबत माहिती घेण्यासाठी महापौर रोहित मोन्‍सेरात यांच्‍याशी संपर्क साधण्याचा प्रयत्‍न केला असता तो होऊ शकला नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.