युगोडेपा पक्षाचे अध्यक्ष डॉ. जॉर्सन फेर्नांडिस यांचा राजीनामा

गोव्यातील जनता भाजप (BJP) सरकारला विटली असून या सरकारला (Government) घरी पाठविणे हेच लोकांचे ध्येय आहे.
युनायटेड गोवन्स डेमोक्रॅटिक पार्टीचे नेते
युनायटेड गोवन्स डेमोक्रॅटिक पार्टीचे नेते Dainik Gomantak

मडगाव: युनायटेड गोवन्स डेमोक्रॅटिक पार्टीचे अध्यक्ष डॉ. जॉर्सन फेर्नांडिस (Dr. Jorson Fernandes) यांनी आज युगोडेपा पक्षाचा राजीनामा दिला. आपण लवकरच तृणमुल पक्षात प्रवेश करणार असे त्यांनी आज जाहीर केले.

गोव्यात (Goa) भाजपला (BJP) हरवायचे असेल तर मजबूत संघटन असलेल्या पक्षाची गरज आहे. त्यासाठी प्रादेशिक पक्षांची ताकद कमी पडत असल्याने आपण तृणमूलमध्ये प्रवेश करण्याचा निर्णय घेतला असे डॉ. फेर्नांडिस यानी सांगितले.

युगोडेपाचे उपाध्यक्ष राधाराव ग्रासियस व महासचिव आनाक्लेत व्हिएगस यांच्या उपस्थितीत घेतलेल्या पत्रकार परिषदेत त्यानी ही घोषणा केली.

युनायटेड गोवन्स डेमोक्रॅटिक पार्टीचे नेते
होंडा औद्योगिक वसाहतीमुळे रोजगाराबरोबर बागायतदारांना चांगले दिवस

पक्षाचे अध्यक्ष फेर्नांडिस जरी पक्ष सोडून जात असले यारी युगोडेपा पक्षाचे अस्तित्व कायम राहणार आहे. डॉ. फेर्नांडिस याना तृणमुलची काँग्रेस उमेदवारी मिळाल्यास युगोडेपा त्यांना पाठिंबा देणार मात्र इतर ठिकाणी कुणाला पाठिंबा द्यायचा की उमेदवार उतरवायचे याचा निर्णय पक्ष राजकीय घडामोडींचा अंदाज घेतल्यावर घेईल असे यावेळी व्हिएगस यांनी सांगितले.

सध्या गोव्यातील जनता भाजप (BJP) सरकारला विटली असून या सरकारला घरी पाठविणे हेच लोकांचे ध्येय आहे. यासाठी युगोडेपाही प्रयत्नरत असेल असे पक्षाचे उपाध्यक्ष राधाराव ग्रासियस यांनी यावेळी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com