ओल्ड गोव्यातील सत्याग्रह 100 दिवसांनंतरही सुरुच

ओल्ड गोवा : ओल्ड गोव्यातील अनधिकृत बंगल्याविरोधात स्थानिक नागरिकांनी सुरु केलेल्या सत्याग्रहाला आता 100 दिवस झाले आहे. 100 दिवसांनंतरही अजूनही प्रशासनाकडून ओल्ड गोवा परिसरातील अनधिकृत बांधकाम पाडलं न गेल्याने संताप व्यक्त केला जात आहे. हे बांधकाम पाडण्याच्या मागणीसाठी स्थानिकांनी पंचायतीकडे अनेकवेळा पाठपुरावाही केला आहे, मात्र 100 दिवस उलटूनही हा अनधिकृत बंगला पाडण्यात न आल्याने सत्याग्रह करणारे आणखी आक्रमक झाले आहेत. (Protest Against illegal building continues after 100 days in old goa News Updates)

ओल्ड गोवा (Old Goa) पंचायतीने यापूर्वीच संबंधित अनधिकृत बंगल्याच्या मालकाला नोटीस बजावली होती. तसंच हा अनधिकृत बंगला तातडीने पाडण्याचे आदेशही पंचायतीकडून नोटीसीमार्फत देण्यात आला होता. स्थानिकांनी 100 दिवस आपला सत्याग्रह चालवला आहे, मात्र असं असलं तरीही संबंधित मालकाने हा अनधिकृत बंगला अद्यापही पाडलेला नाही. 100 दिवसांनंतरही प्रशासनाने बंगल्यावर कारवाई न केल्याने स्थानिकांनी आपलं आंदोलन (Protest) आणखी तीव्र केलं आहे. दरम्यान बंगल्यावर कारवाई होईपर्यंत स्थानिकांनी आपल्या भूमिकेवर ठाम राहण्याचा निर्णय घेतला आहे.

जोपर्यंत ओल्ड गोव्यातील या अनधिकृत बंगल्यावर कारवाई होत नाही तोपर्यंत सत्याग्रह सुरुच ठेवण्याचा निर्धार करण्यात आला आहे. तसंच ओल्ड गोव्यातील नागरिकांनी 100 दिवसांनंतरही इमारत तोडेपर्यंत साखळी उपोषण सुरुच ठेवणार असल्याचा इशाराही देण्यात आला आहे. तीन महिन्यांहून जास्तकाळ चाललेल्या आंदोलनानंतर आता ओल्ड गोवा पंचायत कधी कारवाई करते हे पाहावं लागणार आहे. या अनधिकृत इमारतीमुळे ओल्ड गोव्यातील हेरिटेजला (Heritage) धोका निर्माण झाल्याचा स्थानिकांचा दावा आहे.