सहा दिवसांपूर्वी पर्यटक टॅक्सी मालक असोसिएशनचे अध्यक्ष संजय कोले यांना मांद्रे आमदारांच्या कार्यकर्त्यांकडून कथित मारहाण झाली. मात्र, याप्रकरणी संशयितांना अद्याप अटक झालेली नाही, असा दावा करीत याच्या निषेधार्थ येत्या सोमवार, 29 रोजी कोले हे पेडणे पोलिस स्थानकासमोर धरणे आंदोलनास बसतील आणि या आंदोलनास आपला पाठिंबा असून मी तिथे कोले यांच्या समर्थनार्थ उभा असेन, असे अखिल गोवा पर्यटक टॅक्सी संघटनेचे अध्यक्ष चेतन कामत यांनी स्पष्ट केले.
संजय कोले हे स्थानिक टॅक्सीवाल्यांच्या हितार्थ व हक्कांसाठी झगडणारे एक सक्रिय सामाजिक कार्यकर्ते आहेत. कोले यांनी गोवा माईल्स टॅक्सीसंदर्भात आमदार जीत आरोलकरांना प्रश्न विचारल्यानेच त्यांना आमदारांच्या कार्यकर्त्यांनी कथित मारहाण केल्याचा आरोप चेतन कामत यांनी यावेळी केला. शुक्रवारी (ता.26) ते म्हापशात माध्यमांशी बोलत होते.
"अलीकडे कुणीही उठून स्थानिक टॅक्सीचालकांना लक्ष्य करत आहेत. टॅक्सीचालक नेते तसेच पुढाऱ्यांवर हेतुपुरस्सर हात उगारला जातोय. हे आम्ही खपवून घेणार नसून कोले यांना मारहाण केलेल्यांना अटक व्हावी, यासाठी सोमवारी होणाऱ्या धरणे आंदोलनात पेडणे ते काणकोणपर्यंत असलेल्या सर्व टॅक्सीचालकांनी पेडणे पोलिस स्थानकासमोर सहभागी व्हावे."
चेतन कामत, अखिल गोवा पर्यटक टॅक्सी संघटनेचे अध्यक्ष
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
