Margao Fish Market: सुविधा पुरवा अन्यथा सोपो देणार नाही

मडगाव घाऊक मासळी मार्केटमध्ये सर्वत्र दुर्गंधी पसरली असून अस्वच्छ वातावरण पाहिल्यास कुणीही येथील मासळी खाणे पसंत करणार नाही.
Margao Fish Market: सुविधा पुरवा अन्यथा सोपो देणार नाही
Margao Fish MarketDainik Gomantak

सासष्टी: मडगावमधील घाऊक मासळी मार्केटची (Margao Fish Market) स्थिती अत्यंत खराब बनली असून याचा थेट फटका विक्रेता तसेच ग्राहकांना बसत आहे. मार्केटमध्ये योग्य सुविधा उभारण्यासाठी वारंवार पीडीएकडे मागणी केली. पण पीडीएने याकडे दुर्लक्ष केले. आता पीडीए व कंत्राटदाराला मार्केटमध्ये सुविधा पुरवण्यासाठी एक डिसेंबरपर्यंत मुदत देण्यात आली आहे. अन्यथा एक डिसेंबरनंतर सर्व व्यावसायिक सोपो देणे बंद करणार, असा इशारा घाऊक मासळी व्यवसायिक संघटनेचे अध्यक्ष इब्राहिम मुसा यांनी आज पत्रकार परिषदेत दिला. यामुळे कायदा व सुव्यवस्था बिघडल्यास याला मिलाग्रीस आणि पीडीए जबाबदार असेल, असेही त्यांनी स्पष्ट केले.

Margao Fish Market
वास्को मासळी मार्केट बांधण्याचा प्रश्न सुटणार कधी?

मडगाव घाऊक मासळी मार्केटमध्ये सर्वत्र दुर्गंधी पसरली असून अस्वच्छ वातावरण पाहिल्यास कुणीही येथील मासळी खाणे पसंत करणार नाही. मार्केटची स्थिती अनेक वेळा सोपो कंत्राटदार मिलाग्रीस फर्नांडिस तसेच पीडीए अध्यक्ष विल्फ्रेड डिसा यांच्या निदर्शनास आणून दिली. परंतु, त्यांनी सतत याकडे दुर्लक्ष केले आहे, असा आरोप मुसा यांनी केला.

Margao Fish Market
Goa: मुरगाव नगरपालिकेचे वास्कोतील मासळी मार्केट लवकरच होणार तयार!

परप्रांतीयांच्या व्यवसायाला सोपो कंत्राटाराकडून प्रोत्साहन

येथील व्यावसायिकांकडून वेळोवेळी सोपो शुल्क आकारण्यात येतो. मात्र, त्यांना योग्य सुविधा देण्यास पीडीए असफल ठरली आहे. सोपो कंत्राटदार मिलाग्रीस यांनी स्थानिक मच्छीमारांसह अनेक परप्रांतीय मासळी विक्रेत्यांनाही मार्केटमध्ये अवैधरित्या व्यवसाय करण्याची मुभा दिली असून त्यांच्याकडून पैसे उकळत आहे. पीडीए अध्यक्ष तसेच मिलाग्रीस यांनी संघटनेच्या मागणीकडे दुर्लक्ष केले असून आता मार्केटमध्ये सुविधा उभारण्यासाठी 30 नोव्हेंबरपर्यंत त्यांना वेळ देण्यात येत आहे, असेही मुसा यांनी सांगितले.

Related Stories

No stories found.
Dainik Gomantak | दैनिक गोमन्तक
www.dainikgomantak.com