रमेश तवडकर यांना न्यायासन उठेपर्यंत शिक्षा

काणकोण : खोतीगावातील पुनो वेळीप यांना तीन वर्षांपूर्वी माजी मंत्री रमेश तवडकर यांनी वाटेत अडवून धमकी दिल्याचा आरोप सिद्ध झाल्याने काणकोण प्रथम सत्र न्यायालयाने बुधवारी (ता. २८)  त्यांना न्यायासन उठेपर्यंत न्यायालयात बसून राहण्याची शिक्षा ठोठावली.त्याचप्रमाणे मारहाण केल्या प्रकरणी पांचशे रूपयाचा दंड व जीवे मारण्याची धमकी दिल्या प्रकरणी पांच हजार रूपयाचा दंड ठोठावला.

निवाड्याच्या ३० दिवसाच्या आंत दंडाची रक्कमन भरल्यास एका महिन्याची कैदेची शिक्षा न्यायालयाने ठोठावली आहे. त्याशिवाय दहा हजार रूपये आरोपीने दहा हजार रूपये न्यालयाच्या नाझिरकडे तीस दिवसाच्या आंत भरपाई म्हणून जमा करावेत.ही रक्कम तक्रारदार पुनो वेळीप याना देण्यात यावी असेही न्यायालयाने निवाड्यात नमूद केले 
आहे.