म्हापशाच्या एकतानगरातील शिवाजी महाराजांचा पुतळा हटवण्यावरुन वाद

पोलिसांच्या सूचनेवर शिवप्रेमी नाराज; एकतानगराला पोलिस छावणीचे स्वरूप
म्हापशाच्या एकतानगरातील शिवाजी महाराजांचा पुतळा हटवण्यावरुन वाद
Quarrel in Mapusa over Shivaji Maharaj StatueDainik Gomantak

म्हापसा : एकतानगर येथे शिवप्रेमींनी छत्रपती शिवाजी महाराजांचा अर्धपुतळा मंगळवारी अक्षय्य तृतीयेदिवशी उभारला. मात्र, धार्मिक तेढ निर्माण होऊ नये म्हणून पोलिसांनी तो पुतळा हटवण्याचा आग्रह धरल्यामुळे काल बुधवारी सकाळपासून शिवप्रेमी मोठ्या संख्येने एकतानगरात जमले. पोलिस अधीक्षक शोभित सक्सेना, उपअधीक्षक उदय परब, निरीक्षक परेश नाईक यांनी घटनास्थळी भेट देऊन पाहणी केली. त्यामुळे या भागाला पोलिस छावणीचे स्वरूप आले होते. (Quarrel in Mapusa over Chh. Shivaji Maharaj Statue)

Quarrel in Mapusa over Shivaji Maharaj Statue
झुआरीनगर स्फोटप्रकरणी कंत्राटदार कंपनीच्या साईट सुपरवायझरला बेड्या

म्हापशातील एकता नगरमध्ये मोठ्या संख्येने मुस्लिम बांधव वास्तव्य करतात. तसेच, अक्षय्य तृतीया व रमझान ईद हे दोन्ही सण एकाच दिवशी आल्यामुळे धार्मिक तेढ निर्माण होऊ नये म्हणून या भागात पोलिस बंदोबस्त ठेवला. बुधवारी सायंकाळी अनेकविध हिंदू संघटनांच्‍या पदाधिकाऱ्यांची एकतानगरात सभा झाली. यावेळी ‘स्वराज्य गोमन्तक’चे अध्यक्ष प्रशांत वाळके म्हणाले, की शिवप्रेमींनी उभारलेला पुतळा कायदेशीर करण्यासाठी स्वराज्य संस्था पुढाकार घेणार आहे. शिवप्रेमींच्या भावनांशी पोलिसांनी खेळ मांडू नये. आमदार जोशुआ डिसोझा हे पोलिसांच्‍या मदतीने शिवरायांचा पुतळा हटवण्यासाठी हालचाली करत आहेत. हा पुतळा हलवला तर आम्ही गप्प बसणार नाही, असा इशाराही यावेळी शिवसेनेकडून देण्यात आला आहे.

Quarrel in Mapusa over Shivaji Maharaj Statue
मयेतून होणाऱ्या खनिज वाहतुकीला हायकोर्टाची स्थगिती

शिवप्रेमी नागरिकांनी म्हापशाचे निरीक्षक परेश नाईक यांची भेट घेतली. या शिष्टमंडळात प्रशांत वाळके, जयेश थळी, सिद्धार्थ मांद्रेकर, तुषार टोपले, रूपेश राऊत यांचा समावेश होता. शिवरायांचा पुतळा स्थानिक युवकांनी उभारला असला तरी भविष्यात त्याची जबाबदारी ‘स्वराज्य गोमंतक’ संस्था घेणार आहे. तसेच या पुतळ्यासंदर्भातील कायदेशीर सोपस्कार पूर्ण करण्यात येतील, असे पोलिस निरीक्षकांसमोर स्पष्ट करण्यात आले. यासंदर्भात स्थानिक युवकांची सतावणूक करू नये, अशी विनंतीही यावेळी करण्यात आली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.