राष्ट्रपिता महात्मा गांधी, तसेच राहुल गांधी यांच्या आजी इंदिरा गांधी, त्यांचे पिता राजीव गांधी यांची दहशतवाद्यांनी हत्या केली. त्यामुळे राहुल गांधी यांच्यासह काँग्रेसचा दहशतवादाशी संबंध आहे. ज्यांना दहशतवादाचे संकट झेलावे लागले, तेच त्या वेदना समजू शकतात, असा उपरोधिक टोला विरोधी पक्षनेते युरी आलेमाव यांनी मुख्यमंत्री डॉ. प्रमोद सावंत यांच्या ‘ट्विट’ला उत्तर देताना लगावला.
युरी आलेमाव यांनी केलेल्या ‘ट्विट’मध्ये म्हटले आहे की, केंब्रिज विद्यापीठात व्याख्यान देणे मुख्यमंत्री डॉ. सावंत यांच्यासाठी त्यांच्या अभ्यासक्रमाबाहेरचे आहे. त्यांनी ऐतिहासिक ‘भारत जोडो’ यात्रेच्या समारोपादिवशी काश्मीरमध्ये राहुल गांधी यांनी केलेले भाषण ऐकावे. ‘हात से हाथ जोडो’ मोहिमेमुळे भाजपला पुन्हा एकदा धडकी भरल्याचे दिसते, अशी टीकाही त्यांनी केली.
मुख्यमंत्री डॉ. सावंत यांनी केंब्रिज विद्यापीठातील भाषणानंतर राहुल गांधी यांच्या भूमिकेवर प्रश्न उपस्थित करणारे ‘ट्विट’ केले होते. राहुल गांधी यांच्या श्रीनगर येथील भाषणाची व्हिडिओची लिंकही आलेमाव यांनी शेअर केली आहे.
चीनच्या आक्रमणाला उत्तर द्या!
राहुल गांधी यांनी यात्रेदरम्यान पुलवामा हल्ल्यातील शहिदांना श्रद्धांजली वाहिली आणि भारतीय हद्दीत चीनच्या आक्रमणाविरोधात कारवाई करण्याची जोरदार मागणी केली असल्याचे आलेमाव यांनी नमूद केले आहे. राहुल गांधी यांनी दहशतवाद संपुष्टात आणण्याबाबत स्पष्टपणे भाष्य केले आहे. काँग्रेसने नेहमीच दहशतवादाच्या विरोधात लढा दिला असल्याचेही युरी यांनी या ‘ट्विट’मध्ये म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
