पावसाने राज्याला झोडपले

Rain
Rain

पणजी
महाराष्ट्र आणि गोवा किनारपट्टीवर सोसाट्याचा वारा वाहणार असल्याची शक्यता गोवा वेधशाळेने व्यक्त केली आहे. अरबी समुद्रातून वाहणारे वारे उत्तर-पश्चिम दिशेने वाहत असल्याने कोकण किनारपट्टीवर पुढील दोन दिवस जोरदार पाऊस पडणार असल्याची शक्यता वर्तविण्यात आली आहे.
एकसारखा पाऊस पडत असल्याने आज वातावरणात गारवा जाणवला. गेल्या चोवीस तासात कमीत कमी २३ अंश सेल्सिअस आणि जास्तीत जास्त २७ अंश सेल्सिअस तापमानाची नोंद झाली असल्याची माहिती गोवा वेधशाळेने दिली. दरम्यान, गोवा वेधशाळेने दिलेल्या माहितीनुसार पुढील तीन दिवस म्हणजे २० तारखेपर्यंत राज्यात मुसळधार पावसाची शक्यता आहे.
समुद्रावरील वातावरणही अत्यंत धोकदायक आहे. समुद्रावर वाऱ्याचा वेग ४५ ते ५५ कि.मी. प्रती तास इतका आहे. शिवाय लाटांचा वेग आणि उंची अधिक असल्याने मासेमारी करणाऱ्या लोकांना समुद्रात न उतरण्यासाठीचा इशारा देण्यात आला आहे. शिवाय लोकांनाही समुद्राकडे न फिरकण्यासाठीच्या सूचना करण्यात आल्या आहेत.
गोवा वेधशाळेने दिलेल्या माहितीनुसार, म्हापसा येथे १४९ मि. मी., पेडणे येथे १३३.८ मि. मी., फोंडा येथे ११५ मि. मी., पणजी येथे १०८.२ मि. मी., जुने गोवे येथे १२५.८ मि. मी., साखळी येथे १२८.० मि. मी., काणकोण येथे ०३०.२ मि. मी. , दाबोळी येथे ०८९.२ मि. मी., मडगाव येथे ०५०.० मि. मी., मुरगाव येथे ०९५.८ मि. मी., केपे येथे ०८०.८ मि. मी., सांगे येथे ०८४.५ मि. मी. इतक्या पावसाची नोंद झाली आहे

संपादन - यशवंत पाटील

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com