गोव्याला जाण्यासाठी बुधवारी (दि.19) इंदूरच्या देवी अहिल्याबाई होळकर आंतरराष्ट्रीय विमानतळावर (Devi Ahilyabai Holkar International Airport of Indore) दाखल झालेल्या प्रवाशांना प्रचंड त्रासाला सामोरे जावे लागले. सर्व प्रवाशी गोव्याला जाणाऱ्या इंडिगोच्या विमानाची वाट पाहत होते.
पण रायपूर ते इंदूर आणि इंदूर ते गोवा असा प्रवास असणाऱ्या या फ्लाईटने इंदूरला बायपास करत थेट गोवा गाठले आणि तेथील प्रवाशांना नाहक त्रास सहन करावा लागला.
(Raipur to Indore and Indore to Goa flights)
मिळालेल्या माहितीनुसार, इंडिगो एअरलाइन्सचे विमान (6E-6219) रायपूरहून सकाळी 11.20 वाजता इंदूरच्या देवी अहिल्याबाई होळकर आंतरराष्ट्रीय विमानतळावर पोहोचते आणि 12.25 वाजता गोव्यात पोहोचते.
परंतु बुधवारी कंपनीने ही दोन्ही उड्डाणे रद्द केली. दोन्ही मार्गांवर प्रवासी नसल्याने कंपनीचे विमान रायपूरहून थेट गोव्याला गेले. त्यामुळे रायपूरहून इंदूरकडे येणारे आणि इंदूरहून गोव्याला जाणाऱ्या प्रवाशांचे हाल झाले. कंपनीने प्रवाशांना रिफंड आणि रीबुकिंगचा पर्याय दिल्याची माहिती समोर आलीय.
याआधीही कंपनीने अनेक वेळा आपली उड्डाणे रद्द केली आहेत. बुधवारी रात्री लखनौहून इंदूरला येणारे आणि अहमदाबादला जाणारे विमानही अडीच तास उशिराने निघाले. इंडिगोचे हे विमान लखनौहून इंदूरला रात्री 9.40 वाजता पोहोचते आणि रात्री 10.00 वाजता अहमदाबादला पोहोचते, परंतु बुधवारी हे विमान लखनऊहून इंदूरला सकाळी 10.47 वाजता पोहोचले आणि इंदूरहून अहमदाबादसाठी 11.43 वाजता निघाले. यामुळे प्रवासी चांगलेच संतापले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.