सोयींपेक्षा गैरसोयीच जास्त असलेल्या फोंड्याला फक्त आश्‍वासनेच मिळाली..

काँग्रेसमुळेच शहराचा विकास शक्य, फोंड्याच्या विकासात मगो-भाजप अपयशी राजेश वेरेकर यांचा आरोप...
सोयींपेक्षा गैरसोयीच जास्त असलेल्या फोंड्याला फक्त आश्‍वासनेच मिळाली..
Ponda Dainik Gomantak

फोंडा: फोंडा मतदारसंघाच्या विकासात मगो आणि भारतीय जनता पक्ष पूर्णपणे अपयशी ठरले असून सोयींपेक्षा गैरसोयीच जास्त असलेल्या फोंड्याला फक्त आश्‍वासने तेवढी मिळाली असल्याचे काँग्रेसचे (Goa Congress) फोंड्यातील उमेदवार राजेश वेरेकर यांनी पत्रकार परिषदेत सांगितले. फोंड्यात आयोजित या पत्रकार परिषदेला गट काँग्रेसचे जॉन परेरा, ट्रिबेलो सौझा, नगरसेवक विलियम आगियार, पंच सदस्य शैलेश शेट, सांतान फर्नांडिस तसेच प्रकाश सावंत आदी उपस्थित होते. (Rajesh Verekar allegation that mgp-bjp failed in development of ponda)

Ponda
Goa Congress: माझ्यावर केलेला तो आरोप बिनबुडाचा: आलेक्स सिक्वेरा

राजेश वेरेकर म्हणाले की, विकास ही निरंतर प्रक्रिया आहे. माजी आमदार रवी नाईक (MLA Ravi Naik) यांनी फोंडा मतदारसंघात विकासकामे केली, पण या विकासकामातूनही नागरिकांना चांगले ते देण्याची, अत्याधुनिक सुविधा उपलब्ध करण्याची आज खरी गरज आहे. गेल्या दहा वर्षांत त्यासाठी काहीच काम झाले नाही.

फोंड्यातील रस्त्यांचा प्रश्‍न जटील बनला आहे.

फोंड्यात (Ponda) कायम खराब रस्ते पाहायला मिळतात. फोंड्यातून मालवाहतूक जास्त होत असल्याने या ठिकाणी सुसज्ज असे ट्रक टर्मिनस व्हायला हवे अन्य मूलभूत सुविधांचाही अभाव आहे. कुर्टी भागात सुसज्ज असे मिनी मार्केट संकुल उभारण्याची खरी गरज आहे, हे मिनी मार्केट उभारले, तर फोंड्यावरील वाहतूक आणि इतर ताण कमी होऊ शकेल. केवळ भौतिक विकासच नव्हे, तर व्यक्ती विकास साधताना सक्षम नागरिक निर्माण करायला हवेत. फोंड्यात काँग्रेसच्या काळातच विकास झाला, पण मगो आणि भाजपने सत्ता असूनही फोंड्याचा कोणताही विकास केला नाही. त्यामुळे आता हे पुन्हा घडणार नाही,

Ponda
Sting Operation: गोव्यात RT-PCRसाठी उकळतात तब्बल 3200 रुपये

फोंड्याला पुढे नेण्यासाठी काँग्रेस पक्ष कटीबद्ध आहे.

जॉन परेरा म्हणाले की, फोंडा मतदारसंघाच्या विकासासाठी गेल्या दहा वर्षांत कोणतेच काम झाले नाही. फक्त आश्‍वासने तेवढी पहायला मिळाली. काँग्रेस पक्ष हा विकासाला चालना देणारा पक्ष आहे, त्यामुळे आताही काँग्रेस पक्षच फोंड्याचा विकाससाधू शकतो.

ट्रिबेलो सौझा यांनीही फोंड्यातील आयडी उपजिल्हा इस्पितळाचा प्रश्‍न उपस्थित करताना मगो आणि भाजप सत्तेवर असतानाही या दोन्ही पक्षांच्या नेत्यांकडून या इस्पितळात कोणत्याच अत्याधुनिक सुविधा उपलब्ध करणे जमले नसल्याचे सांगितले. मगो आणि भाजपने फक्त कामाचा देखावा केला आणि प्रसिद्धी मिळवण्याचा प्रयत्न केला, असा आरोप केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com