'मतविभाजनामुळेच गोव्यात काँग्रेसचा पराभव'

रजनी पाटील यांचा दावा, गोवा काँग्रेस प्रदेशाध्यक्ष आणि विरोधी पक्षनेत्याची घोषणा लवकरच
Rajani Patil on Goa Congress Defeat
Rajani Patil on Goa Congress DefeatDainik Gomantak

पणजी : रिव्होल्युशनरी गोवन्स, आम आदमी पक्ष आणि तृणमूल काँग्रेस या पक्षांनी केलेल्या मतविभाजनामुळेच काँग्रेसला पराभवाचा फटका बसला, असे मत काँग्रेसच्या केंद्रीय निरीक्षक रजनीताई पाटील यांनी व्यक्त केले. काँग्रेस प्रदेशाध्यक्ष आणि विधिमंडळ गटनेत्याची लवकरच घोषणा केली जाईल, असेही त्यांनी सांगितले.

Rajani Patil on Goa Congress Defeat
गोवा सरकारचा शपथविधी सर्वसामान्यांसाठी खुला

विधानसभा निवडणुकीत (Goa Election) मतविभाजनाचा सर्वात मोठा फटका काँग्रेसला बसला. सुमारे 10 मतदारसंघांमध्ये आरजी, आप आणि तृणमूल काँग्रेसने मत फोडल्यामुळे काँग्रेसचे (Congress) उमेदवार पराभूत झाले. सध्याची परिस्थिती अधिक बिकट बनत चालली आहे. दिवसेंदिवस महागाईने कळस गाठलेला आहे. त्यामुळे भाजपच्या या निर्णयाविरोधातील लढा कॉंग्रेसकडून तीव्र केला जाईल, असेही पाटील यांनी सांगितले.

पराभूत झालेल्या उमेदवारांसोबत चर्चा सुरू आहे. उत्तर गोव्यातील (North Goa) उमेदवारांच्या समवेत चर्चा झाल्यानंतर दक्षिण गोव्यातील उमेदवारांच्या सोबत चर्चा झाली आहे. यावेळी पराभवाची कारणे, पुढील वाटचाल यासंबंधीचा या उमेदवारांची मते ऐकून घेतली जात आहेत. याचा अहवाल बनवला जात असून लवकरच तो केंद्रीय पक्षश्रेष्ठीला सादर करण्यात येईल. यानंतर भविष्यातील वाटचालीच्या संदर्भातले निर्णय घेतले जातील, असे रजनी पाटील म्हणाल्या.

Rajani Patil on Goa Congress Defeat
गोवा मुख्यमंत्री शपथविधी; ज्येष्ठांना मिळणार मंत्रिपदे

विधानसभा निवडणुकीतील पराभवानंतर सर्वच राज्यांमधील प्रदेशाध्यक्षांचे राजीनामे पक्षश्रेष्ठींनी घेतले आहेत. आता नव्या प्रदेशाध्यक्षांची निवड केली जाईल. खात्रीलायक सूत्रांनी दिलेल्या माहितीनुसार, या पदासाठी आमदार संकल्प आमोणकर आणि सरचिटणीस जनार्दन भंडारी यांच्या नावाची चर्चा सुरू आहे. याबरोबरच गोवा विधानसभेतील विधीमंडळ नेते पदाचीही निवड लवकरच केली जाईल, अशी माहिती रजनीताई पाटील यांनी दिली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com