वाघेरीतील डोंगरकापणी अंगलट; वनाधिकाऱ्याचं निलंबन

वनमंत्री विश्वजीत राणे अॅक्शन मोडमध्ये; वाघेरी संरक्षित करण्यासाठी हालचाली
Vagheri Hill Cutting
Vagheri Hill CuttingDainik Gomantak

पणजी : वाघेरी परिसर संरक्षित करण्याचे संकेत दिल्यानंतर वनमंत्री विश्वजीत राणे अॅक्शन मोडमध्ये आले आहे. वाळपईजवळील वाघेरी भाग पर्यावरणीयदृष्ट्या संवेदनशील म्हणून जाहीर करण्याची गरज विश्वजीत राणेंनी नुकतीच व्यक्त केली होती. आता वाघेरीतील डोंगर कापणीप्रकरणी रेंज फॉरेस्ट अधिकाऱ्याचं निलंबन करण्यात आलं आहे. तसंच उप वनसंरक्षकांना कारणे दाखवा नोटीसही बजावण्यात आली आहे.

राज्यात वाघेरीसारखे अनेक परिसर आहेत, जे पर्यावरणीयदृष्ट्या संवेदनशील म्हणून जाहीर होणे गरजेचे आहे. यासाठी येत्या सहा महिन्यांत केंद्र सरकारच्या मदतीने वाघेरी वन्यजीव संवेदनशील परिसर म्हणून जाहीर करणार असल्याची माहिती वनमंत्री राणे यांनी दिली होती. गोमन्तकला दिलेल्या विशेष मुलाखतीत त्यांनी वाघेरी संरक्षित करण्याचे संकेत दिले होते.

Vagheri Hill Cutting
'येत्या 6 महिन्यांत वाघेरी वन्यजीव संवेदनशील परिसर बनवणार'

वाघेरी डोंगरावर सध्या मोठ्या प्रमाणावर डोंगरकापणी उघडकीस आली आहे. आपण याप्रकरणी मुख्य वनसंरक्षकांना आरएफओ म्हणजेच रेंज फॉरेस्ट ऑफिसरला निलंबित करण्याचे निर्देश दिले असून उपवनसंरक्षकांना कारणे दाखवा नोटीसही बजावण्यास सांगितल्याचं विश्वजीत राणेंनी ट्विटरच्या माध्यमातून सांगितलं आहे. जर समाधानकारक उत्तर मिळालं नाही तर उपवनसंरक्षकांचंही निलंबन केलं जाईल असं राणेंनी स्पष्ट केलं आहे.

वाघेरी टेकडीवरील जंगलाच्या साफसफाईचे काम नुकतेच पुन्हा सुरु झाले होते. ही टेकडी गोव्याच्या पश्चिम घाटाचा भाग आहे. इको-टुरिझम प्रकल्पासाठी मार्ग तयार करण्यासाठी वनक्षेत्र साफ करण्याचे काम सर्वप्रथम जानेवारी 2022 पूर्वी सुरू झाले, जे कोरोना संबंधित निर्बंधांमुळे थांबले होते. गोव्याच्या वन विभागाच्या वन्यजीव विभागाने चेकपोस्ट स्थापित करून वाघेरी टेकडीवर प्रवेश करण्यास मनाई केली. त्यामुळे ते काम ठप्प झाले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com