Covid-19: वाढत्या कोरोना रुग्णसंख्येमुळे गोव्यात सरकारतर्फे काही महत्वाची पावले उचलण्यात आली आहेत. या पार्श्वभूमीवर बाहेरून राज्यात येणाऱ्यांना लसीचे दोन डोस असणे आणि आरटी-पीसीआर चाचणीचा (RTPCR Test) अहवाल असणे अनिवार्य आहे. (Goa Tourism Latest News Updates)
काल पोळे तपासणी नाक्यावर काँग्रेस (Congress) कार्यकर्त्यांनी कर्नाटकमधून येणारी वाहने अडवली होती. त्यामुळे काहीकाळ तणाव पाहायला मिळाला. कर्नाटकमधून येणाऱ्या काहींनी आरटी-पीसीआर अहवाल आणि इतर संबंधित वैद्यकीय कागदपत्रे देण्यास नकार दिल्याने काँग्रेस कार्यकर्त्यांनी गोवा सरकारला खडे बोल सुनावले.
जनार्दन भंडारी यांच्या नेतृत्वाखाली काँग्रेस कार्यकर्त्यांनी चेकपोस्टवरील सरकारी कर्मचाऱ्यांना जाब विचारला. जर आपण कागदपत्रांशिवाय बाहेरच्यांना राज्यात प्रवेश दिला, आणि आपल्या लोकांना त्रास झाल्यास त्याला जबाबदार कोण? असा प्रश्न त्यांनी यावेळी उपस्थित केला. गोवा सरकार (Goa Government) गोव्यातील जनतेच्या जीवाशी खेळ करत असल्याचे सुद्धा त्यांनी यावेळी म्हंटले. त्यामुळे चेकपोस्टवर राज्यात प्रवेश करणाऱ्या सर्वांचीच तपासणी करून मगच त्यांना राज्यात प्रवेश दिला जावा, अशी मागणी काँग्रेसतर्फे करण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
