पार्से खाजन गुंडो बांध टाकतोय कात; आरोलकरांकडून कामाची पाहणी

मोरजी : पार्से पंचायत क्षेत्रातील माजी मुख्यमंत्री लक्ष्मीकांत पार्सेकर यांनी जलस्त्रोत खात्यांतर्गत 3.5 कोटी रुपये खर्च करून खाजन बांधाची दुरुस्ती आणि परिसराचे सुशोभीकरण करून पार्से जंक्शन ते वायडोंगर पर्यंत जाण्यासाठी चांगल्या रस्त्याची सोय केली होती.

मात्र, त्यानंतर या बांधाची दुरुस्ती वा डागडुजी करण्यात जलस्त्रोत खाते आणि कंत्राटदार अपयशी ठरला होता. स्थानिक आमदार जीत आरोलकर यांनी जोरदार प्रयत्नांमुळे आता या बांधाच्या दुरुस्तीचे काम युद्धपातळीवर सुरू झाले आहे. नुकतीच या कामाची पाहणी करून आमदार आरोलकर यांनी कंत्राटदाराला आवश्‍यक सूचना केल्या.

माजी मुख्यमंत्री प्रा. लक्ष्मीकांत पार्सेकर यांनी जलस्त्रोत खात्यांतर्गत खाजन गुंडो बांधाला नवी झळाळी दिली होती. या बांधाचे सुशोभीकरण करावे, अशी कुणीही मागणी केली नव्हती. परंतु पार्सेकर यांनी दूरदृष्टी ठेवून परिसरातील वायंगण शेतीला प्राधान्य मिळावे.

या उद्देशाने या परिसराचे सुशोभीकरण केले होते. तेव्हा कामाचे कंत्राट भोमकर यांना मिळाले होते. जलस्त्रोत खाते अंतर्गत एकूण 3.5 कोटी रुपये खर्चून नवे पर्यटनस्थळ पार्सेकर यांनी विकसित केले. त्यानंतर या बांधाची आवश्‍यक दुरुस्ती झाली नव्हती.

या उद्देशाने या परिसराचे सुशोभीकरण केले होते. तेव्हा कामाचे कंत्राट भोमकर यांना मिळाले होते. जलस्त्रोत खाते अंतर्गत एकूण 3.5 कोटी रुपये खर्चून नवे पर्यटनस्थळ पार्सेकर यांनी विकसित केले. त्यानंतर या बांधाची आवश्‍यक दुरुस्ती झाली नव्हती.

बांधाचा विकास अन् पार्सेकरांची दूरदृष्टी

दरवर्षी पावसाळ्यात आणि शापोरा नदीला भरती आल्यानंतर या बांधाजवळ असलेल्या मानशीची दारे मोडून खाजन शेतात खारट पाणी शिरायचे. त्यामुळे किती तरी वर्षे शेती नुकसानीत येऊन जमीन नापीक व्हायची.

शेतीला संरक्षण आणि पर्यटनाला वाव, असा दुहेरी दृष्टिकोन ठेवून जलस्त्रोत खात्यांतर्गत बांधाच्या दुरुस्तीबरोबरच पार्सेकर यांनी पर्यटनस्थळ विकसित केले. या कामाची चौकशी व्हावी ,अशी यापूर्वी माजी आमदार दयानंद सोपटे यांनी पत्रकारांकडे बोलताना मागणी केली होती. परंतु त्याचे पुढे काहीही झाले नाही.