बाबूश यांच्यावर आरोप करणाऱ्या पीडित मुलीला समन्स जारी करण्याची विनंती

मोन्सेरात यांच्याविरुद्ध न्यायालयात लैंगिक अत्याचार तसेच पोक्सो कायद्याखाली सुमारे 250 पानी आरोपपत्र सादर केले आहे.
बाबूश यांच्यावर आरोप करणाऱ्या पीडित मुलीला समन्स जारी करण्याची विनंती
Request to issue summons to victims girl accused of sexually assaulting babush monserrateDainik Gomantak

पणजी: पणजीचे आमदार आतानासिओ ऊर्फ बाबूश मोन्सेरात यांच्या विरोधात सहा वर्षांपूर्वी कथित लैंगिक अत्याचारप्रकरणी पीडित मुलीला न्यायालयात उपस्थित राहण्यासाठी समन्स जारी करण्याचा विनंती अर्ज संशयित रोझी फेरोझ हिने केला आहे.

मोन्सेरात यांच्याविरुद्ध न्यायालयात लैंगिक अत्याचार तसेच पोक्सो कायद्याखाली सुमारे 250 पानी आरोपपत्र सादर केले आहे. त्यामध्ये मोन्सेरात यांच्यासह रोझी फेरोझ हिचाही समावेश आहे. याप्रकरणी सुमारे 40 जणांच्या साक्षी नोंदवण्यात आल्या आहेत. या प्रकरणात पोलिसांनी मोन्सेरात यांना अटक केली होती. त्यानंतर न्यायालयाने त्यांना सशर्त जामीन मंजूर केला होता. अत्याचाराची घटना घडल्यानंतर तीन महिन्यांनी हा प्रकार पीडित मुलीने अपना घरमध्ये असताना दिलेल्या जबानीतून उघडकीस आला होता.

Request to issue summons to victims girl accused of sexually assaulting babush monserrate
Tripura Impact: गोव्यातही मुस्लिम बांधवांच्या रॅलीवरून तणाव

आरोपपत्रावरील सुनावणीनंतर न्यायालयाने बाबूश मोन्सेरात आणि रोझी फेरोझ या दोघांविरुद्ध आरोप निश्‍चितीचा आदेश दिला होता. या आदेशाला मोन्सेरात यांनी मुंबई उच्च न्यायालयाच्या गोवा खंडपीठात आव्हान दिले होते. मात्र, हा अर्ज मोन्‍सेरात यांनी मागे घेतल्यावर न्यायालयाने मोन्सेरात यांच्यासह इतर संशयितांविरोधात अल्पवयीन मुलीवर बलात्कार केल्याचे आरोप निश्‍चित करून खटल्यावरील सुनावणी सुरू केली होती.

Request to issue summons to victims girl accused of sexually assaulting babush monserrate
मडगावात 1 लाख 46 हजारांचे अंमली पदार्थ जप्त

11 डिसेंबरला अर्जावर सुनावणी

18 ऑक्टोबरला न्यायालयात साक्ष देण्यासाठी पीडित मुलीला उपस्थित राहण्यास सांगण्यात आले होते. मात्र, त्या दिवशी न्यायालयाला अचानक सुट्टी जाहीर करण्यात आल्याने ती सुनावणी झाली नव्हती. संशयित रोझी फेरोझ हिने न्यायालयात अर्ज सादर करून पीडित मुलीला सुनावणीसाठी उपस्थित राहण्यासाठी समन्स जारी करण्याची मागणी केली आहे. या अर्जावरील सुनावणी 11डिसेंबरला ठेवण्यात आली आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com