Goa Election:..त्यामुळे कळंगुट काँग्रेस समितीच्या सदस्यांचा संयुक्त राजीनामा

मायकल लोबो यांना काँग्रेसमध्ये प्रवेश मिळाल्यामुळे काँग्रेस सदस्यांनी आपला राजीनामा दिला आहे.
कळंगुट काँग्रेस समितीच्या सदस्यांचा संयुक्त राजीनामा
कळंगुट काँग्रेस समितीच्या सदस्यांचा संयुक्त राजीनामा Dainik Gomantak

Goa Election: गोवा विधानसभा निवडणूक जाहीर झाल्याने आता राजकीय वर्तुळातील गोष्टींना उधाण आले आहे. कचरामंत्री मायकल लोबो (Michael Lobo) नुकतेच काँग्रेसमध्ये (Congress) दाखल झाले आहेत. त्यामुळे राज्यात सर्वत्र चर्चासत्र सुरू आहे. लोबो यांना काँग्रेसमध्ये प्रवेश मिळाल्यामुळे काँग्रेस सदस्यांमध्ये मात्र नाराजी वाढली आहे.

कळंगुट काँग्रेस समितीच्या सदस्यांचा संयुक्त राजीनामा
गोव्यात भाजपला 27 जागा मिळणार

कळंगुट काँग्रेस समितीच्या (Calangute Congress Committee) सदस्य आग्नेल फर्नांडिस (Agnel Fernandes), जोजफ सिक्वेरा आणि अँथनी मिनेझिस यांनी आपली नाराजी पत्रकार परिषदेमध्ये स्पष्ट दर्शवली आहे. आग्नेल फर्नांडिस, जोजफ सिक्वेरा, अँथनी मिनेझिस यांनी मायकल लोबो यांना काँग्रेसमध्ये प्रवेश स्वीकारला असल्यामुळे त्यांनी आता पक्षातून राजीनामा देण्याचे ठरवले आहे. शिवाय आता ते कॉंग्रेसविरुद्धच उभे राहणार असल्याचेही त्यांनी स्पष्ट केले आहे. पत्रकारांशी संवाद साधताना त्यांनी सांगितले की, 'मायकल लोबो यांना पक्षात घेतल्यामुळे आम्ही फार दु:खी झालो आहोत. गेले 10 वर्षे आम्ही पक्षाशी एकनिष्ट आहोत, पण पक्षाने आमच्यावर अन्याय केला आहे. तरीही आम्ही पक्षात होतो. आम्ही हक्काचे उमेदवार असताना देखील त्यांनी आता कचरामंत्र्यांना पक्षात घेतले आहे, याबद्दल आमची हरकत नाही, पण आता आम्ही पक्षात राहणार नाही हे नक्की.'

कळंगुट काँग्रेस समितीच्या सदस्यांचा संयुक्त राजीनामा
Covid-19: कर्नाटकातून येणाऱ्या पर्यटकांची गोव्यात मनमानी

ते पुढे म्हणाले, 'ही सगळी परिस्थिती बघता आता आम्ही संयुक्त राजीनामे देण्याचे ठरवले आहे. आम्ही पुढेही एकत्र राहणार आहोत, आणि आता कॉंग्रेसविरुद्ध लढा देणार आहोत. 'काँग्रेस हटाव गोवा बचाव' ही मोहीम राबविण्याचा निर्धार आम्ही केला आहे.' त्यामुळे आता गोवा विधानसभा निवडणुकीच्या पार्श्वभूमीवर (Goa Assembly Elections 2022) कॉंग्रेसच्या पुढील हालचालीवर आता सगळ्यांचे लक्ष लागून राहिले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com