मनोज परब रिव्हॉल्युशनरी गोवन्सचे मुख्यमंत्रीपदाचे उमेदवार

थिवी आणि वाळपई मतदारसंघातून मनोज परब निवडणूक लढवण्याची शक्यता
मनोज परब रिव्हॉल्युशनरी गोवन्सचे मुख्यमंत्रीपदाचे उमेदवार
Manoj Parab Revolutionary GoansDainik Gomantak

पणजी : रिव्हॉल्युशनरी गोवन्स पक्षाचे सर्वेसर्वा मनोज परब यांना पक्षाकडून मुख्यमंत्रीपदाचे उमेदवार म्हणून घोषित करण्यात आलं आहे. मनोज परब आगामी गोवा विधानसभा निवडणुकीत दोन मतदारसंघातून निवडणुक लढवणार असल्याचंही जाहीर करण्यात आलं आहे. (Manoj Parab Revolutionary Goans News Update)

 Manoj Parab Revolutionary Goans
नाईट कर्फ्यूबद्दल बोलताना गोव्याचे आरोग्यमंत्री म्हणाले....

मनोज परब यांनी गोवा सुराज पक्षाची साथ सोडत आपला रिव्हॉल्युशनरी गोवन्स पक्ष स्थापन केला होता. निवडणूक आयोगाने रिव्हॉल्युशनरी गोवन्स पक्षाला फुटबॉलचं चिन्हही दिलं आहे. आता मनोज परब थेट निवडणुकीच्या (Goa Assembly Elections) रिंगणात उतरले आहेत. वाळपई आणि थिवी या दोन मतदारसंघातून मनोज परब निवडणूक लढवणार आहेत.

 Manoj Parab Revolutionary Goans
Goa Election: गोव्यात राजकीय पक्षांचा 'डिजिटल' प्रचार सुरू

दरम्यान गोवा सुराज पक्षाने रेव्हॉल्युशनरी गोअन्सला (Revolutionary Goans) मदत करताना त्यांचा छुपा अजेंडा उघड केला नव्हता. मात्र, उमेदवार घोषित करण्यापूर्वी त्यांनी त्यांच्या मर्जीतील काही व्यक्तींना उमेदवारी देण्याचा दबाव आणल्याने त्यांच्याशी असलेले संबंध तोडण्याचा निर्णय घेण्यात आला असे म्हणत मनोज परब यांनी गोवा सुराजचे सर्व आरोप खोडून काढले.

 Manoj Parab Revolutionary Goans
'भाजपने आता मॅनिफेस्टो नाही तर 'मनिफेस्टो' जाहीर करायला पाहिजे'

गोवा सुराज पक्षाचे नेते इनासिओ वाझ यांनी निवडणुकीत पाच जागांची मागणी केली होती तसेच दाबोळी येथील मतदारसंघात कॅप्टन विरियातो फर्नांडिस यांच्याविरुद्ध उमेदवार उभा न करण्याची अट घातली होती. त्यांचे दिवसेंदिवस सल्ले देण्याचे सुरू झाल्यावर त्यांना दूर ठेवण्यात आले. मिकी पाशेको यांच्याकडून मदत घेऊन आरजीविरुद्ध ते आरोप करत सुटले आहेत. त्यांनी केलेल्या आरोपांचे पुरावे सादर करा किंवा आरोप सिद्ध करा अन्यथा अब्रुनुकसानीचा दावा ठोकू असा इशारा मनोज परब यांनी (Manoj Parab) दिला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com