Revolutionary Goans : हिंमत असेल तर ‘आरजी’चे नाव घ्या!

रिव्हॉल्युशनरी गोवन्सच्या मनोज परब यांचं आलेक्स रेजिनाल्ड यांच्यावर शरसंधान
Revolutionary Goans Manoj Parab
Revolutionary Goans Manoj ParabDainik Gomantak

Revolutionary Goans Manoj Parab : आयडीसीचे अध्यक्ष तथा आमदार आलेक्स रेजिनाल्ड लॉरेन्‍स यांनी केलेल्या विधानावरून रिव्होल्युशनरी गोवन्स (आरजी) आणि त्यांच्यात वाद निर्माण झाला आहे. गेल्या पाच वर्षांपासून आपल्‍याला एक दहशतवादी संघटनेकडून त्रास दिला जात असल्याचे विधान रेजिनाल्‍ड यांनी एका संकेतस्थळाला दिलेल्या मुलाखतीत केले होते. परंतु, त्यांच्या विधानावरून आरजी अधिकच आक्रमक झाली आहे. हिंमत असेल तर ‘आरजी’चे नाव घ्या, असे जाहीर आव्हान आरजीप्रमुख मनोज परब यांनी रेजिनाल्ड यांना केले आहे. त्यामुळे येणाऱ्या काळात हा वाद आणखी चिघळण्याची शक्यता आहे.

पोगो विधेयक विधानसभेत आपण खासगी सदस्य विधेयक दाखल करून मांडण्याच्या रेजिनाल्‍ड यांच्या विधानावरून हा वाद सुरू झाला होता. तेव्‍हा रिव्हॉल्युशनरी गोवन्सचे आमदार वीरेश बोरकर विधानसभा सचिवांकडून मागितलेल्या माहितीत असले कुठलेही खासगी सदस्य विधेयक दाखल न केल्याची माहिती विधानसभेत दिली होती. त्यानंतर बोरकर यांनी ही माहिती सार्वजनिक करताना रेजिनाल्ड यांचे पितळ उघडे पाडल्‍याची पोस्ट टाकली होती. याबाबत रेजिनाल्ड यांनी स्पष्टीकरण देत आपण अनेक वकिलांशी सल्लामसलत केल्यानंतर पोगो विधेयक असंविधानिक असल्याचे सांगितले होते. तेव्हा आपण ते सभापतींकडे पाठवले होते.

Revolutionary Goans Manoj Parab
Zuari River : झुआरी नदीपात्रात मातीचा भराव टाकून अवैध बार्जबांधणी

लॉरेन्स अप्रामाणिक

रेजिनाल्‍ड यांनी गोमंतकीयांची दिशाभूल केली आहे. पोगो विधेयक असंविधानिक आहे, तर त्यांनी त्यातील मुद्दे विधानसभेत कसे मांडले. तसेच, गृहनिर्माण मंडळासाठी असलेले दहा वर्षांची मर्यादा ही वाढून 30 वर्षे केली होती. हा पोगो विधेयकाचा प्रभाव आहे. परंतु, रेजिनाल्ड हे केवळ नावापुरते प्रामाणिक आहे. कारण ते भाजपच्या विरोधात लढत होते आणि आज ते त्यांच्यासोबत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com