Revolutionary Goans : नगर नियोजन कायद्यात दुरुस्ती गोमंतकियांना मारक ठरणार

नगर नियोजन कायद्यात दुरुस्ती केलेल्याचा निषेध करण्यासाठी येत्या 23 सप्टेंबरला रिव्होल्यूशनरी गोवन्स पक्षातर्फे पणजीतील शहर व नगर नियोजन खात्यासमोर निदर्शने करण्यात येणार आहेत.
Revolutionary Goans | Manoj Parab
Revolutionary Goans | Manoj ParabDainik Gomantak

Revolutionary Goans : नगर नियोजन कायद्यात दुरुस्ती केलेल्याचा निषेध करण्यासाठी येत्या 23 सप्टेंबरला रिव्होल्यूशनरी गोवन्स पक्षातर्फे पणजीतील शहर व नगर नियोजन खात्यासमोर निदर्शने करण्यात येणार आहेत. तसेच सरकारकडे ही दुरुस्ती रद्द करण्याची मागणी केली जाईल अशी माहिती पक्षाचे प्रमुख मनोज परब यांनी आज पत्रकार परिषदेत बोलताना दिली.

सरकारने कायद्यातील ही दुरुस्ती आधीच राजपत्रात फक्त इंग्रजीतून प्रसिद्ध केली असून ती कोकणी आणि मराठीतूनही प्रसिद्ध करावी. जेणेकरून राज्यातील गोमंतकियांना सरकारने केलेल्या दुरुस्तीबाबत सविस्तर माहिती कळू शकेल.

नगर नियोजन मंत्री विश्वजित राणे यांनी नगर व शहर नियोजन कायद्यात आणलेली दुरुस्ती ही परप्रांतीय उद्योजकांच्या फायद्यासाठी असल्याने ती गोमंतकियांना मारक ठरणार असल्याचा दावा परब यांनी केला. गोमंतकियांनी एकत्रित होऊन या दुरुस्तीविरुद्ध आवाज उठवून ती रद्द करण्यासाठी 23 सप्टेंबर रोजी एकत्र यावे, असे आवाहन त्यांनी केले आहे.

Revolutionary Goans | Manoj Parab
Madgaon Mayor : मडगाव नगराध्यक्षांविरोधात ‘अविश्वास’ ठराव आज ना उद्या होणारच!

दरम्यान रिव्हॉल्युशनरी गोवन्सचे आमदार विरेश बोरकर यांनी फुटीर आमदारांचा निषेध करत फुटीरतेबाबत तीव्र शब्दात नाराजी व्यक्त केली. यावेळी बोरकर म्हणाले की, फुटीर आमदारांना स्वत:वर विश्वास आहे तर त्यांनी राजीनामा देत पुन्हा निवडणूक लढवावी, जनता तुम्हाला कधीच माफ करणार नाही. पणजी येथील आझाद मैदानावर रविवारी निदर्शने करण्यात आली यावेळी त्यांनी काँग्रेसच्या बंडखोर आमदारांवर थेट निशाणा साधला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com