‘आरजी’ने आमचा विश्वासघात केला; गोवा सुराज पार्टी

त्यामुळे आम्ही या पक्षाशी फारकत घेतली असल्याचे वाझ यांनी सांगितले
‘आरजी’ने आमचा विश्वासघात केला; गोवा सुराज पार्टी
Goa Su-Raj Party Dainik gomantak

फातोर्डा : रिव्होल्युशनरी गोवन्स पक्षाची भारतीय निवडणूक आयोगाकडे नोंदणी झालेली असतानाही त्यांनी आमच्यापासून ही त्यांनी माहिती लपवून ठेवली आणि आमचा विश्वासघात केला, असा आरोप गोवा सुराज पार्टीचे (Goa Su-Raj Party) अध्यक्ष इनासियो वाझ यांनी मडगावात पत्रकार परिषदेत करून आपल्या पक्षाचे ‘आरजी’शी संबंध तुटल्याचे जाहीर केले.

Goa Su-Raj Party
उत्पल पर्रीकरांना तिकीट देणार का? फडणवीसांचं रोखठोक उत्तर

‘आरजी’ची निवडणूक आयोगाकडे 30 नोव्हेंबर रोजी नोंदणी झाली. त्यानंतर 24 डिसेंबर रोजी या पक्षाला फुटबॉल हे चिन्ह देण्यात आले. याविषयीची माहिती ‘आरजी’ने आमच्यापासून लपवून ठेवून आम्हाला झुलवत ठेवले आणि नोंदणी करण्याचे काम सुरू असल्याची खोटी माहिती पुरविली. त्यामुळे आम्ही या पक्षाशी फारकत घेतली असल्याचे वाझ यांनी सांगितले. यावेळी त्यांच्यासोबत गोवा (goa) सुराज पार्टीचे संस्थापक फ्लोरियान लोबो, झरिना डिकुन्हा उपस्थित होत्या.

फ्लोरियान लोबो म्हणाले, मनोज परब (Manoj Parab) यांनी पत्रकार परिषदेत गोवा सुराज पार्टीने आम्हाला सर्व अधिकार दिले असल्याचे खोटे सांगितले. मात्र, मी तुला निवडणूक आयोगातर्फे (Election Commission) चिन्ह दिले असेल तर तू पुढे जा, असे सांगितले होते. याबरोबरच ‘आरजी’चे नोंदणीकरण केव्हा झाले आणि चिन्ह कधी दिले याचा पुरावा दे, असे सांगितले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com