Konkani Language: रोहन खंवटे म्हणाले, कोकणी टिकवण्यासाठी 'या' गोष्टी करा

आपल्या मातृभाषेशी जवळीक साधली नाही, तर येणाऱ्या पिढीला ती समजणार नाही. असेही रोहन खंवटे म्हणाले.
Konkani Language
Konkani LanguageDainik Gomantak

Konkani Language: जर वाचन केले नाही तर आपली बौद्धिक क्षमता कमकुवत होते. आपले अस्तित्त्व सांभाळण्यासाठी वाचन महत्त्वाचे आहे त्याचप्रमाणे कोकणी सांभाळण्यासाठी वाचन करणे गरजेचे आहे,असे प्रतिपादन पर्यटन मंत्री रोहन खंवटे यांनी केले.

संस्कृती भवन पाटो येथे आयोजित दाल्गादो पुरस्कार वितरण सोहळ्यात ते प्रमुख पाहुणे या नात्याने बोलत होते. यावेळी दाल्गाद कोकणी अकादमीचे अध्यक्ष विन्सी कार्दोज, दानियल डिसोजा व्यासपीठावर उपस्थित होते.

ते पुढे म्हणाले,की आपल्या मातृभाषेशी जवळीक साधली नाही, तर येणाऱ्या पिढीला ती समजणार नाही.

Konkani Language
Vasco: मांगोरहिल येथे भू-गटार वाहिन्यांच्या कामाला शुभारंभ

तियात्र, कातारांच्या माध्यमातून रोमी कोकणी आपले अस्तित्व टिकवून असल्याचे त्यांनी सांगितले. वि दाल्गादो कोकणी अकादमीच्या वतीने सायमन फर्नांडिस, पीटर कार्दोजो, फिलिक्स डिक्रुज, थॉमस डिकोस्टा, तियोतीन कोस्ता, फिलोमिना फ्रान्सिस्को आदींना पुरस्काराने सन्मानित करण्यात आले.

Konkani Language
Air Pollution: कारखान्यातील धूराने त्रासलेल्या नागरिकांनी कारखानाच पाडला बंद

रोमी लिपीतून शिक्षण द्यावे !

नव्या शिक्षण धोरणात प्रादेशिक भाषांमधून शिक्षण देण्यास अधिक प्राधान्य देण्यात आले आहे. त्यामुळे कोकणी भाषा देवनागरी लिपीसहित रोमी लिपीतूनही राज्यातील शाळांमधून शिक्षण व्हावे.तरच कोकणी गावागावत पोहोचेल, तिचा विकास होईल.

रोमी लिपीतून शिक्षण देता यावे , यासाठी पुस्तके तयार करण्याचे काम सुरू असून त्यासाठी सरकारच्या पाठिंब्याची देखील गरज आहे,असे दानियल डिसोजा यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com