Rohan Khaunte : ‘डोन्ट ड्रिंक ॲण्ड ड्राईव्‍ह’ ही भूमिका योग्‍यच

या निर्णयाचा राज्‍यातील पर्यटनालाही लाभ होईल, असे मत पर्यटनमंत्री रोहन खंवटे यांनी व्यक्त केले.
Rohan Khaunte
Rohan KhaunteDainik Gomantak 

पणजी : कोणताही कायदा लोकांच्‍या भल्‍यासाठीच असतो. लोकांनी नियमांचे पालन करणे आवश्‍यक आहे. सरकारची ‘नो ड्रिंक नो ड्राईव्‍ह’ ही भूमिका योग्‍यच आहे. या निर्णयाचा राज्‍यातील पर्यटनालाही लाभ होईल, असे मत पर्यटनमंत्री रोहन खंवटे यांनी व्यक्त केले. येथील एका कार्यक्रमात आले असता ते प्रसार माध्यमांशी बोलत होते.

‘घरी तुमची कोणीतरी वाट पाहात आहे... वाहन सावकाश चालवा’ अशा सूचना अनेकदा रस्‍त्‍याकडेला दिसतात. पण याकडे दुर्लक्ष केले जाते. मद्यप्राशन केल्‍यानंतर लोकांनी वाहन चालवूच नये. वाहतुकीच्‍या नियमांचे पालन करावे. तसेच वाहनांच्‍या वेगावरही नियंत्रण ठेवावे, असे आवाहन मंत्री खंवटे यांनी यावेळी केले. वाहन चालविताना प्रत्‍येकाने आपापली काळजी घ्यायला हवी. तरच अपघातांचे आणि अपघातांत मृत्‍यू होण्याचे प्रमाण कमी होईल.

आपले राज्‍य जागतिक पर्यटनस्‍थळ आहे. यामुळे देश-विदेशातील पर्यटक आपल्‍याकडे येतात. पण गेली दोन वर्षे कोरोनामुळे पर्यटनपूरक उद्योगांचे आणि किनाऱ्यावरील शॅकचालकांचे मोठे आर्थिक नुकसान झाले आहे. याबाबत मी मुख्यमंत्र्यांशी बोललो असून शॅकचालकांना आणखी एक वर्षे मुदत वाढवून देण्याबाबत विचारविनिमय सुरू असल्‍याचे मंत्र्यांनी सांगितले.

Rohan Khaunte
चालकाची डुलकी जीवावर बेतली; नावेलीत कारचा भीषण अपघात

संगीत महोत्सव चार दिवसांचा

तसेच पर्यटनपूरक उद्योग-व्‍यापारास चालना देण्यासाठी सरकार सर्वतोपरी सहकार्य करेल, अशी ग्‍वाही खंवटे यांनी यावेळी दिली. हणजूण येथे आयोजित केला जाणार संगीत महोत्‍सव तीनऐवजी चार दिवसांचा करावा, अशी सूचना आयोजकांना केली आहे. कारण त्‍या काळात राज्‍यात पर्यटकांची प्रचंड गर्दी होते. जास्‍तीत जास्‍त पर्यटकांना या महोत्‍सवाचा लाभ घेता यावा, अशी आमची भूमिका असल्‍याचे ते म्‍हणाले.

क्रीडा पर्यटनास चालना देणार

राज्‍यातील क्रीडा पर्यटनास चालना देण्यात येणार असून यासाठी बीच व्‍हॉलिबॉल, बीच क्रिकेट स्‍पर्धा आयोजित करण्यात येतील. याबाबत क्रीडामंत्री गोविंद गावडे यांच्‍याशी चर्चा केली आहे. तसेच केंद्रीय क्रीडा मंत्रालयाशीही विचारविनिमय करण्यात येईल आणि क्रीडा, पर्यटनवाढीसाठी लवकरच निर्णय घेण्यात येईल, असे मंत्री खंवटे यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com