गोवा सरकार ‘ॲक्शन मोड’वर

जागृती : बारमध्ये ‘डोन्ट ड्रंक ॲण्ड ड्राईव्ह’; अटल सेतूवर ‘स्पीड गव्हर्नर’
Accident
AccidentDainik Gomantak

पणजी: झुआरी पुलावरील भीषण अपघातानंतरची अपघात मालिका संपायचे नावच घेत नाही. ठिकठिकाणी नागरिकांचे बळी जातच आहेत. या पार्श्‍वभूमीवर सरकार आणि प्रशासन ‘ॲक्शन मोड’वर आले असून अटल सेतूवर ‘स्पीड गव्हर्नर’ राबवण्यात येत असून त्याअंतर्गत स्पीड रडार आणि सूचना फलक लावण्याच्या कामाला सुरवात झाली आहे.

()

Accident
संसद भवनासाठी माती पाठवणे, हा भावनांशी खेळण्याचा डाव

दुसरीकडे जिल्हाधिकाऱ्यांच्या अध्यक्षतेखाली झालेल्या रस्ता सुरक्षा समितीने राज्यातील बार आणि रेस्टॉरंटमध्ये ‘मद्यपान करून वाहन चालवू नका’ (डोन्ट ड्रंक ॲण्ड ड्राईव्ह) असे फलक लावणे बंधनकारक करावे, अशी सूचना केली.

राज्याचे पोलिस महासंचालक जसपाल सिंग यांनी दिलेल्या माहितीनुसार, रस्ते अपघात टाळण्यासाठी पोलिसांकडून विविध उपाययोजना राबवल्या जात आहेत. राज्यातील महत्त्वाच्या पुलांबरोबरच रस्त्यांवर स्पीड गव्हर्नर ही संकल्पना राबवण्यात येत असून महत्त्वाच्या अटल सेतूवर वेग नियंत्रणाच्या संदर्भातील फलक लावण्याचे काम सुरू झाले आहे. याबरोबरच या पुलावर वाहनाच्या वेगाची माहिती देणारे ‘स्पीड रडार’ उभारण्यात येत आहे. नियमाचे उल्लंघन करणाऱ्या वाहनधारकांना ऑनलाईन पद्धतीने थेट घरी दंडाची (चलन) पावती पाठवण्यात येणार आहे. याशिवाय राज्य आणि राष्ट्रीय महामार्गावर रात्रंदिवस नियमित गस्त घालण्यात येणार आहे.

Accident
‘गृहआधार’चा गैरवापर : 2,800 सरकारी कर्मचाऱ्यांना जबर दणका

मद्यपान करून गाडी चालवणाऱ्यांच्या विरोधात कडक कारवाई करण्यात येईल, अशी प्रकरणे थेट न्यायालयात पाठवून त्यांचा वाहतूक परवाना (लायसन) रद्द करण्यासाठी पोलिस शिफारस करणार आहेत. यासाठी सार्वजनिक बांधकाम खाते, वाहतूक खाते यांची मदत घेण्यात येत आहे.

पेडणेत युवक ठार; मालिका थांबेना!

चेतन हा युवक मोपा विमानतळावर हल्लीच कामाला लागला होता. आज रजा टाकून गाडी सर्व्हिसिंग करण्यासाठी तो निघाला होता. मात्र, धारगळ येथे त्याला ट्रकने उडवले. चेतनचे वडील वाहनचालक आहेत. त्यावरच त्यांचा उदरनिर्वाह चालतो. चेतनला आई-वडील आणि लहान बहीण आहे. या घटनेची माहिती मिळताच वझरी गावावर शोककळा पसरली. मनमिळावू स्वभावाचा चेतन वाड्यावर सर्वांना परिचित होता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com