मडगाव : लोकोपयोगी कामाद्वारे लोकांपर्यंत पोहचत भाजपने पहील्यांदाच नावेली सर केली. आता तोच फॉर्म्युला कुडतरी मतदारसंघात वापरला जाणार असल्याचे नावेलीचे आमदार उल्हास तुयेकर यांनी सांगितले. केंद्रात आणि राज्यात भाजप सरकारने जी विकासकामे केली आहेत.
(Sadanand Tanavade said BJP's victory in Curtorim constituency is certain)
त्यामुळे गोव्यातील 40 ही मतदारसघांत भाजप पक्षाचा जनाधार वाढत असून यावेळी जे नावेलीत झाले तेच पुढच्या निवडणुकीत कुडतरीत होणार आहे, असा विश्वास त्यांनी व्यक्त केला.
कुडतरी भाजप मंडळाने सेवा पखवाडा कार्यक्रमाअंतर्गत या मतदारसंघात स्वच्छता मोहीम घडवून आणली होती. या मोहिमेत भाजप प्रदेश अध्यक्ष सदानंद तानावडे यांनी भाग घेतला. कुडतरी मतदारसघांत अँथनी बार्बोजा आणि त्यांच्या सहकाऱ्यांनी केलेले काम कौतुकास्पद असून त्यामुळे मतदासंघांत भाजप पक्षाला अधिक पाठिंबा मिळेल असे ते म्हणाले.
यावेळी स्थानिक आरोग्याधिकारी डॉ. वल्लभ नाडकर्णी यांनी मंडळाच्या या उपक्रमाचे कौतुक करताना अशा कार्यक्रमांना आपले पूर्ण सहकार्य असेल असे आश्वासन दिले. यावेळी भाजप नेते सर्वानंद भगत, शर्मद रायतुरकर, नवीन रायकर, उर्फान मुल्ला स्थानिक मंडळाचे पदाधिकारी डॉ. स्नेहा भागवत, अँथनी बार्बोजा, नीळकंठ एकावडे, मेहबूब मकांदर, धीरज शेट, क्लेमेंत डायस, बबिता बोरकर, ज्योती नाईक व अन्य कार्यकर्ते उपस्थीत होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
